今日好好訓，訓到十點九先起身。(雖然有時會醒下)之後起身竟然可以唔開電腦，去左睇孫悟空。今日又係食公仔麵，雖然係日日食，但係一點都唔厭喎！十二點就出門了，行左去天水圍自修室。去到Full晒，睇到Fish同黃偉豪係度，不過沒打招呼就走了！(天水圍個間真係細到…得幾十個位，邊夠架？)就咁行左去搭輕鐵轉西鐵落元朗，到左元朗個自修室，真係相比之下起碼大過天水圍四五倍，大把位…我就係十二點半左右開始溫書，係自修室又見到河馬、個窿。今次仲見到岑Sir添，佢好似係黎睇下佢D 學生咁！之後點零鐘Ming自己一個人黎。佢話鋒唔舒服喎。Ming仲買左麵包黎食添！兩點幾我都想食下野，我就落去買麵包食！買左兩個菠蘿包都只係兩蚊咋，抵到爛！^^ 返去自修室時係樓下撞到老餅，佢的一身衣著永遠不變！=_=

返到去繼續溫書，溫溫下收到SMS，阿婷話自修室好多位，叫我黎就黎。佢都唔知我已經係度溫緊！-_-"打返比佢先知佢黎緊仲未到！佢黎到無耐，Ming 就話走了！+_+(真係呀，佢先溫得個三個鐘度就話走了)四點零鐘，明賢打比我，先知佢黎緊元朗，佢要拎張Card 比Miss Leung~(昌係咁吹喎)咁見佢要返學校，我又想返學校問下Miss野，咁就返去學校喇！返到學校真係壯觀，好大陣象呢！所以老師都係晒度，各有各忙！眼見都仲有好多學生入學。咁樣學校又係咁賺，真係……之後明賢黎到係張卡度寫多幾句野就比左Miss 喇！Miss同我地傾下計，我地已經知道攪左個大烏籠，Miss 無話唔走的，但係我地已經寫左張Card，所以都係送埋比Miss。個時真係幾瘀，比Miss問到口啞啞~張Card 仲要唔係成班學生都有寫，明賢係咁死兜，好彩都兜到。走個時見到學校新個套PE衫好正呀，同街衫差唔多呀！仲要係籃球褲黎，真係好想要番條。>_<

跟住就行返去自修室了，去到坐左一陣。阿婷就話走了，佢又係溫得個三個鐘！好彩個時明賢係度，不過有冇人我都係照溫架喇，要狂迫自己先得。不過明賢係度都冇咩點溫，一時就傾下計一時就玩下電話。玩玩下電話仲無聊到炸佳佳部手提電話！-_-"真係幾好玩，係咁Send 好笑的SMS比佢，佢又無得回覆。等住我地係咁炸佢部機咁~~哈哈之後18:40度就走了。落到去陪明賢買仗餸，佢都幾錫佢個妹呢~買完這一檔的雞翼就去下一檔的豬排，真係細心！跟住就西鐵轉輕鐵回家了！返到屋企樓下撞到阿堅，真係估唔到會撞到佢呢~佢黎係送外賣。同佢傾左幾句，佢而家讀IVE + Part Time，真係幾爭取時間。返到屋企都已經七點半了！

返到去又無開電腦呢，只係去左沖涼！出黎就食飯喇，食左兩碗^^" 都好好餸！之後就睇電視喇！睇完我的野蠻奶奶就返房開電腦玩喇，都冇咩野做，只係上下網、更新個Shared Files同埋打日記。那就過了一天……