今天星期六，有藉口比自己懶下。今日起身的時候已經是差不多十一點，好像是脫離了失眠的情況，但其實尋晚成三點先訓！>_<不過都有七八個鐘訓！^^"起身沒什麼壓力迫自己去溫書，可能因為唔駛出去自修室！

起身個時個天已經係度落雨喇，無耐仲落狗屎添，大到.....老媽子又出左去，而細妹就準備出街唱K，頂佢唔順，仲要出尖東唱添，又唔路，又要出。=_=之後仲同佢嘈左幾句，佢就出門了，而我就打電話比媽媽，問佢有冇傘同埋係邊幾時返，本黎我諗住整公仔麵架喇，因為有勁辣牛肉味公仔麵，不過媽媽話買左野食，係太大雨先冇咁快返。失望~

之後就聽到有人開門，仲以為係老媽子返黎，有野食。點知係我細妹+_+，佢已經變左落湯雞呢~~大雨都咁都仲要話去唱K，抵死！成身都冇邊一忽唔濕，最後佢都要推左人。(當然要推喇，大雨到咁，仲要出到咁遠，傻o既)等左三四個字就有野食喇！不過個時又唔餓，真係衰~但都照食，食左個豬排意粉！麻麻地....x_x

食完就返房玩下電腦，做下功課！成個下午都係咁過~不過好似做左好少功課咋，而電腦又好似好少玩咁，兩樣都做得個一半半，真係浪費時間！之後四點零被媽媽叫我去樓下影相，-_-"本黎都想影的，但係個天又黑，都唔想落街！而佢又話同我一齊出荃灣拎Con，我都係唔想出呢~不過又唔想到時自己出錢拎Con，最後都有出！落到樓下都冇咩事，行到去第六第七座，準備過馬路時，已經好大風呢~係咁吹係咁吹，幾秒間，已經落雨了。不出一分鐘的時候，已經大到狗屎般一樣，而我地只得一把傘。老豆仲話等下可能會停，就陪佢地係度等左一陣，都係沒什麼改變！之後就返屋企喇！真係白痴，都話唔出架喇！我都話天氣差成咁，出左去都濕晒身喇！唉~~ 好彩都係去唔成，不過就好傻仔，落一落樓又返上樓！

返到屋企又開電腦，又做下功課，都係咁過....之後就無聊整下個頭！發覺自己而家頭髮真係好厚呢~又差喎D髮質，都唔知點整好！我整左好耐，又洗，又焗油，又梳！真係整到自己都嬲呀！頂頂頂頂頂真係好唔想自己D頭髮咁樣，又彎又厚。唉~~好唔掂，真係好想剪光頭呀！咩都唔駛煩。

近排發覺自己打日記打得好白痴，-_-"日日都係做個D野架喇！但係都照打上去……如果唔打又唔知有咩打喎！ 唉~ 我的人生真係那麼平淡？我真係經歷唔到咩特別的事？

今日整天都冇溫書，做功課又做得個D屎咁多，好浪費時間呀！要真係做到野真係唔可以係屋企，仆街！真係少少自制能力都冇，我頂！聽日一定要九點幾去到自修室狂溫十個鐘書，要不停咁迫自己進入忘我狀態。唔可以衰比任何一個人睇。就算唔得我都要問心無愧。我要出盡全力，死就死！唔理咁多。