八點鐘被收音機嘈醒，但又唔願起身！睇睇個電話先知8:03了！電話竟然冇無響。原來我琴晚唔記得教！好彩有知覺聽到收音機！唔係一定起唔到身，有排訓。起左身刷牙洗臉，之後就夾頭髮喇！今日整起晒個頭，都用左成半個鐘黎整！-_-"後面兩側的頭髮仲未可以好直，而家前面個DD 夾完都可以叫做直！整左成個半個鐘，連早餐都沒有食！整完再換衫都係時候出門口囉。

去到銀座先見到一個未接來電，打返比阿Ming。個時都九點了，佢仲係屋企！-_-"沒法，都幫埋佢霸位。我今日都係諗住溫兩個鐘多點，因為個心想去唱K。溫到11:10度就走了，約左佢地11:30 Neway等！我就走左去搭輕鐵出元朗，因為唔多想行，寧願搭耐D車。去到坑尾村轉車，明賢打黎，佢先剛剛出門。=_=(想知佢例牌遲到)好彩我都唔會早到姐，我要返一返學校拎射雕英雄傳。

返到學校，同前幾日一樣都係咁多人。見到阿良都阿昌都係度，以為佢地仲幫學校手添！點知佢地係返黎出糧，拎完本射雕，見到佢地兩個同Bio Sir 吹水，我就行埋去吹幾句。之後Miss Wong 又埋黎講幾句，仲講我好運。(我都知架喇，唉~不過我下次一定唔會靠運氣的)無耐Bio Sir就要去做野，而Miss 都走了，得番我地三個傾計！佢地兩個就係度等出糧，我係度都唔知做咩。明賢打過電話黎吹我，仲話等緊我！-_-"好耐都未試過遲到呢，要人等不好意思>_<我個時仲問埋佢地兩個去唔去唱K的，佢地一口就應承左。之後叫明賢加多兩個位！無耐，佢地就出糧了，見到兩張五百蚊，真係好想要呢~做幾日每人就有三百幾四百蚊。真好搵……之後走個時仲係學校雪櫃拎左十幾包紙包飲品！真係正~不過行個時就好重呢！

去到Neway 門口，只係得明賢同埋阿婷，大排人遲到。而且佢地仲未拎到房添，我今次都唔算遲到呀！^^之後等左十分鐘度就有房了。去到唱左幾首把聲都係唔掂，好難開到聲。仲唔夠氣同埋唔夠力唱添！真係差…過左陣，Paco 就黎了。佢終於著返之前個身Look喇！順眼好多呢~跟住阿Bee又黎埋，最後連阿鋒都黎！總共八個人…不 過自己狀態不佳，開頭就係咁唱，之後都冇咩點唱了，係玩多！真係幾好玩…好多搞笑野！唱【艾笠精歌】太正了，Good Song~ 臨尾阿昌仲跳舞添，我地成班拎晒部電話出黎錄，佢足足跳左四五隻舞，都有成十五鐘架。我仲錄到冇晒電要換電同埋冇晒Memory，攪到我要Del MP3黎錄，足足錄左廿幾段片。真係正到痺，好可惜阿婷早走睇唔到名昌都表現…最後埋單位位八十五。God~本黎係唱K Lunch的，但沒有。而家冇左差唔多成舊水呀，個心赤赤痛……$_$走個時，阿良同阿昌就返屋企，而我地就去機舖，行到紅棉圍，我就去搵補習社。

之後就去左敖研教育報Chem。去到間野都叫一間補習社，起碼有門牌，有幾間房同時開班，有接待處……見到阿珊。見佢真係好得閒…根本補習時就冇人理，做咩都得，而我就係在那段時間去報名。-_-之後報名時，個肥仔Sir出左黎，佢竟然有D 應得我喎！咁都應得？真係奇！之後就走囉！落到樓下幫老豆買野，又去五金舖，又去馬會！跟住就返去金威搵明賢，見到阿妖同明賢一齊，都冇去打招呼，打個電話講聲走了！之後就走左去A加書局買Chem 書，用左九十五蚊！又唔見一舊水！今日計計下，唱K唔見一百，補習報名唔見四百五，買輸唔見一百，買六合彩/五金/還錢比阿鋒唔見五十。一日總共唔見左成七舊水。洗錢好似倒水咁！

買完書就去搭K73返，剛剛走左一部。要等…黑仔！~_~上到車睇返阿昌D片，幾好睇，不過衰在部榣影得唔靚，部機好屎！真係太差…最後都係睇左幾段就冇睇了。返到屋企熱烘烘，即係去左沖涼！沖涼都好熱，真係好唔掂，又累又熱。好唔舒服，又想涼，但係又要郁。最後都係開冷氣，邊食飯邊睇電視。今日做酒店風雲，不過都唔會睇了，追咁多電視冇咩好處。睇少一套可能到時有多一個鐘溫書呢。不過今日除左朝早個兩個鐘係溫書之外，之後所有時間都冇溫喇！唉~

今日都係過得好普通，係用左好多錢！本黎今日諗住出荃灣拎Con，但唱完K太晏了，冇出到！聽日應該會落元朗報英文，到時可能順便出去拎Con~而家塊臉好多暗瘡，訓得太少呢！>_< 真激氣…