尋晚好早就去訓了，唔知係唔係尋日朝早比人嘈醒，晚上覺得眼訓呢~今日係約左阿婷去元朗溫書的。朝早七點幾醒左一醒，因為知道約左去溫書，所以個心總係有D野咁，但見咁早又再訓返。直至九點二十分左右收到個SMS，比個SMS嘈醒左。原來係阿婷，佢真係可以咁早起身去溫書呢~勁！但係佢話唔駛去了，Full 晒。咁早就爆左？唔係呀化！仲要係元朗咁大果個都爆？ 真係唔係幾信！不過佢Send 得黎都Full 得七七八八。個時起左身刷牙洗瞼，之後反正都爆左，我個時就諗去唔去呢？我一直睇電視一直諗，因為約埋Ming 架麻，唔去我咪放飛機？所以決定晏少少先去。
之後整左兩個公仔麵黎食，飽到唔識郁。睇完孫悟空都係時候換衫了！整下整下就十一點九了，仲睇左一陣十萬噸情緣先走！^^ 由於太懶的關係，走左去搭K73，去到元朗廣場都冇咩事架，但架車去緊大橋個時，個天已經菅雨喇！都好似幾大，我仲要冇拎傘出街添呀，落車個時都有雨，但唔算太大！之後拿拿聲走去自修室了。一入去，睇落真係好似Full咁~但行入去有好多吉位呢~~(都唔知阿婷係唔係係門口望幾眼就算！)個時十二點零幾了已經，開始我的溫習計劃了！
一開始就溫Bio，太耐無掂過喇！又要抄返Notes，不過睇落又幾有興趣~十二點半度Ming終於打黎，佢剛剛先補完，仲未食野！我同佢霸左位，叫佢黎放低書包先去食野！之後好彩佢同阿鋒都有位坐，個時仲見到牛丸黎溫書添(真係估唔到)。我沒有跟佢地去食野，之前已經食得好飽了！一直係度溫書，溫呀溫呀……溫左好耐都係得十幾頁Bio~見無咩進展，就開始轉攻Chem喇！拎左明賢本書出黎溫，有中文書係唔同D o既！雖然唔算係好熟，但係都知本書講咩，起碼明白先，唔駛對住英文就好了。溫書的時候，我沒有很累的樣子，反而愈溫愈起勁！唔知係唔係這兒不太靜，加上冷氣溫度適中，令我好有心機咁溫！跟住仲係自修室撞到個窿黎溫書。無耐，鋒就走喇，都唔知佢黎做咩？ 又唔見佢溫書！好似得個坐字，浪費時間！
鋒走左之後，我同MIng 繼續溫。我真係愈溫愈精神咁，係條頸好累！(因為個頭定左格咁睇書)之後又撞到之前的同學，撞到河馬，佢仲要坐係Ming隔離，即係我對面！不過沒有打招呼…=_=五點零六點度，連Ming都話要走了。但我個時真係好想繼續溫，所以就同佢Say GoodBye。Then，我一個人繼續溫，做左好多之前的Chem 。發現只要記到系列的名稱就好易做架喇！睇完這課就下課，去到結構體個課有點難度，特別係果個對映結構，真係好難明！係咁諗都唔明，最後都唔知自己算唔算明！唉~只怪自己之前上堂沒有聽書。跟住就繼續下一課，係咁睇落去，做下數。雖然唔係全部岩，但都有一半半呀！算係咁喇，話晒都係第一次麻，有個好開始！做到七點零五分就汁野走人喇，因為想返屋企沖完涼邊食飯邊睇電視。
今次返時搭西鐵喇！因為K73好多人呢，一定無位坐同埋好慢。返到屋企，沒有第一時間去開電腦喎！我竟然沒有開電腦，真係難得！之後就去左搵衫沖涼。沖完出到黎都未開得飯，仲要等！等的時間我都冇開電腦呢，只係睇下電視，仲要睇英文台。都係學左一個字咁大把，【Range】~之後就轉返去睇無線喇！仲幫手開飯，今餐食左成三碗，真係唔知飽咁食喎！真係幾好餸…之後仲食豆腐花添呀~~睇完我的野蠻奶奶就返房ICQ喇！同左亞珊同埋阿Ming傾左好耐ICQ！差唔多傾左成個鐘呢~~之後就打日記了！(打個時都幾眼訓想訓架)
今日足足溫左六個幾鐘書，真係好。希望日後日日都可以咁喇！Keep It~ 而家先知自己有幾十萬樣野要做，真係多到自己都唔想去諗，唉~到時唔記得做就死喇！好多好多………>_<
隨便列出你認識的二十位朋友：
1// 扁
2// 四
3// 明賢
4// DT
5// 澤兄
6// 個窿
7// 黃進
8// Ming
9// 鋒
10//Yan
11//婷
12//Bee
13//Winnie
14//良
15//昌
16//鵬
17//Penis
18//呆
19//禧
20//沈
[ 8號同邊個拍緊拖？] ：沒有，佢等待中……
[ 9號係男仔定係女仔？] ：男
[ 如果16號同12號一齊，會唔會好正？] ：咁咪攪基？
[ 18號同5號呢？] ：咪一樣係攪基！
[ 17號讀緊乜？] ：IVE~
[ 你同12號最後一次傾計係幾時？] ：兩日前
[ 6號最鍾意邊隊 band？] ：唔知佢∼
[ 1號有冇兄弟姐妹？] ：有。一個家姐，一個細妹
[ 你會唔會溝3號？] ：諗左好多呢∼=_=
[ 咁7號呢？] ：同上∼
[ 16號係咪獨身？] ：暫時係∼追求中…
[ 15號姓乜？] ：何
[ 10號叫乜名？] ：Yan 囉∼
[ 4號最鍾意做乜？] ：踢波、打機……
[ 13號吸引嗎？] ：吸引唔到我呢∼
[ 14號同19號會夾嗎？] ：14跑同邊個都係咁多口水！應該夾掛∼
[ 20號讀緊邊間學校？] ：十八鄉
[ 隨便講 d 11號既野俾我知？] ：女兒家，有感情煩惱∼
[ 1號呢？] ：戀愛中…
[ 3號呢？] ：戀愛中…
[ 你試過對15號有 feel 嗎？] ：從來沒有－－
[ 9號住邊？] ：屯門∼
[ 4號最鍾意乜色？] ：黑、白、橙掛
[ 5號同6號係咪好朋友？] ：係∼都幾好添．．
[ 7號鍾意20號嗎？] ：三唔識七－－
[ 8號同19號呢？] ：同上－－
[ 你點識2號?] ：中一同學。但好耐先玩埋
[ 10號有冇寵物？] ：沒有掛∼
[ 17號係咪有史以黎最性感既人？] ：Penis喎！當然喇∼∼
|
