今日八點零就起左身！都係訓唔到呢~未試過可以真真正正訓一覺。起左身，屋企人走晒，得返自己一個。又見冇咩做，去左開電腦，打下日記。打打下老豆就返黎喇。我都係照打，心情都係不太好，唔多願講野。佢話佢今日汁到份報紙喎，唔駛錢都有報紙睇，我都冇咩回應。呆下呆下咁，好似訓唔夠咁o既樣！真係好想訓一好想有成幾十個鐘訓架，而家個黑眼圈好大好深呢~Help~~Help~~之後睇下報紙，玩下電腦就到左十點半左右喇！

之後就睇電視，真係好悶！之前已經睇過，但又冇野做，又冇心機溫書！只好睇電視~睇完就再睇十月初五的月光！唉~套套都係講愛情o既？Holy Shit~~之後就開左一大罐雜果食！本黎想留返D比老豆食，但係自己食鬼晒！-_-“睇完電視就一心諗住去溫書！就走左去主人房開冷氣睇英文報紙~個時都係兩點幾，睇左一個鐘左右，都係睇左一頁。進度超慢，之後就好有決心咁寫幾張紙提醒自己。我寫要 努力  發奮  決心 Never Give Up~ 唔可以比人睇死。仲貼到成間房都係。要時時提醒自己。希望真係有用喇！之後睇睇下報紙就眼訓喇！個時諗我眼訓係好事定壞事呢？ 有得訓真係好，可以訓多覺，但係當我溫書先眼訓，咁咪少左溫書時間囉！最後諗住訓一陣。

訓到六點幾就起身喇！其實五點零都有起過身，但都反正都訓，就訓足夠D喇！點知都係訓多果一個鐘！訓完又冇野做！食埋D雜果冰。之後就呆下呆下咁等食飯！見咁呆就去左睇報紙。睇左一陣就食飯喇！食完飯就睇埋電視。睇完我的野蠻奶奶就唔睇了。去左沖涼~沖完就迫自己去睇英文報紙喇！真係要迫下自己，唔係真係冇心溫書的！之後睇睇下就眼訓。頂呀… 次次都係咁，唁溫書就唔眼訓，我頂硬上，都頂到一陣o既！之後真係頂唔順就訓左。

之後有電話嘈醒我，係黃進。佢打黎都係陪下我傾計咁~佢同Bee 同埋婷一齊，仲叫埋我去Join佢地添，但係係元朗，又要我搭車。浪費時間~Refuse左佢地。我知黃進都應該知我的事，但係佢都問我，當然我冇講喇！講黎都冇用。佢唔知算唔算係安慰我定陪我傾下計。之後收左線就好精神呢~係咁睇英文~真係去到成點幾兩點都仲好精神~之後都冇咩心機睇喇！太多字要查~And then 就去左訓喇！