演唱會首部曲：

每個人成長o既背後，上天似乎都編配左一份生命藍圖俾佢，有D人會成為企業家，有D會係一個OL，有D人會係一個

王者。而少年十五二十時o既郭富城只係一個少不更事o既學生哥，佢眼中o既一片天，可能係放學踢下波、捉下波子

棋。就算作文「我的志願」，亦都不外乎係警察、飛機師，呢D傳統熱選。講到佢生命中o既宏願，可能係好單純，

就係係父親o既傳統舊式金鋪度一心打拼天下，但係，上天賜俾佢o既事業藍圖，似乎並不局限於一間金鋪，

而係賜俾佢一身優秀o既肢體語言，務求要佢係燈光閃爍o既舞台上面畫出彩虹。十四年o既歌者生涯：廣告、電影、

獎項、榮譽，似乎都係驅使佢邁向舞台最高境界o既一股動力源由。熱愛舞台，沉醉舞台，係郭富城o既生活藍圖當中

已經成為左一份精神。由舞蹈員到歌手，再成為一個舞台上人皆稱王o既演藝人，佢係紅館呢個舞台，亦都寫下左好

多揮灑o既光影印記。

九四年佢首度踏足呢個聖地，編寫佢首張舞台真跡，用近乎超越動感o既狂野歌舞，奠定舞台王者o既第一伏筆。

接住九六年最激演繹o既卡邦舞曲。九八年，一變傾城融合唱這歌，將節奏舞曲完全發揮得淋漓盡致，精彩o既第三回

好揮灑咁就記底。零零、零一年，佢跨年Live On Stage，首度人車合一，並將武術用於舞蹈，令全場觀眾喝采再

三。今年，係佢踏足紅館舞台十周年，佢誓要整輯好過去十年四次o既光影精華，濃縮成郭富城絕密精彩o既舞台寶

典，係今晚，一次過呈現係大家眼前，有冇王者風範，唔係用口講嫁！呢一刻，誠邀大家用心同眼睛黎一齊見證，

佢！點樣令「紅館色變，舞林再現」！希望大家用突破分貝o既掌聲！歡迎我地舞台王者！郭！ 富！ 城！

演唱會二部曲：

認得呢個細路哥嗎？冇錯，呢個就係你地一直寵愛，一直支持o既郭富城四歲o既時候。當時o既佢純真可愛，天真瀾

漫。係佢當時小小o既生命入面，若果能夠獲得一支波板糖，又或者有機會踩下隔籬屋B仔架三輪單車，對佢黎講，已

經係夢想成真。但係上天對呢個細路哥o既眷顧又豈止一支波板糖，一架三輪單車？反而係賜俾佢一身絕地優秀o既肢

體語言，呢一身足以反轉舞林o既好舞功，令佢係金光閃爍o既舞臺上面建造佢o既王國，由舞蹈藝員到成為歌手，再

成為一個舞台上人人皆稱王o既演藝者，郭富城o既演藝歷程入面，佢獲得o既掌聲、榮寵及獎譽結合而成o既金田，已

經超乎無數支波板糖。

有時傾開偈，Aaron都講過：「上天對我咁好，我仲夫復何求呢？」但係懂得感激並不等於滿足現狀，郭富城仍然係

努力鎖緊舞台作為佢施展舞功o既一片天。

由94年踏足紅館舞台，到今日佢仍然無間斷咁去突破自己尋求舞台藝術o既最高境界。雖然佢週不時都好謙虛咁話：

「叫我『阿王』得架喇！」，但係我地真係由衷咁覺得你係實至名歸o既王者，我地唔隨便叫架。

2004年郭富城一個被受推崇o既演唱會，全因大家喜愛，今夜載譽重來，咁等我地今個晚上一齊心同眼睛去見証，呢

個將有機會被譽為係近11年黎最出色o既演唱會啦，請大家用最熱烈震破紅館o既掌聲歡迎我地o既舞王，我地o既舞

台王者，郭！富！城！

舒適堡郭富城舞台寶典演唱會 預計於九月五日全城發行……密切留意！