朝早都係唔願起身，但都死頂。起左身都好趕時間，有好多野要整！不過好彩老媽子幫我整左早餐，慳返D時間。本黎今日唔諗住啫頭，因為個天好似想落雨，但見又有時間剩，求求其其整左幾野就出門口去自修室喇！去到，仲未開門，早左幾分鐘去到！之後搵左個單人位坐低溫書了。之前幾日都冇查過英文，今日一開始就睇下英文先，做左一個半練習已經用左成兩個鐘了，而且D英文字查克又唔記得！唉~>_<之後都冇咩心機再繼續睇落去，就轉Bio喇！Bio又係新一課開始，又要寫好多Notes，不過睇左幾句仔就冇寫了，之後就膂睇。都有好多野唔記得晒，要Remember返，用左好多時間先攪掂。不過而家D 概念唔知算唔算清晰，因為自己死兜爛兜兜出黎的！

溫到13:10就汁野走囉，約左阿Ming 報名，要點八鐘好準時咁去到元朗。我到左佢地都仲未到，我就睇下D 課程。跟住佢地出黎就報名了，D 姐姐仔幾友善，又成日聊人傾計，好似同個個都好fd咁！報左K.Oten，就咁無左$480了！之後報完我就走了，我行左去買午餐  麵包  。之後行左去喜利個邊搭車出荃灣。頂！去到剛剛走左一班，我仲要睇住佢走添！之後等個時又熱喎，出晒汗！激氣…

到左荃灣，就即係去南豐拎Con，帶個時好唔舒服，而且又冇散光，睇野麻麻地，埋單補二百蚊(今日又冇左成七舊水喇！)。跟住走人，諗住行去荃灣個自修室，但係搵唔到呢...>_<之後比我撞下撞下搵到喎！原來就係附近~哈哈！去到都唔駛入去喇！ 個度咁細，一望入去都Full晒了！而且個度好似小學生自修室咁，係個度溫書好傻仔~~之後就走了！本黎諗住搭九巴架，但係要過天橋，我過得天橋不如搭城巴，又冇咩人，加上搭九巴要轉車，好煩！一去到巴宜站就有車喇！上左車開手提黎聽MP3！

落車後就行返屋企了，都唔駛去自修室睇，都冇咩位架喇！同埋帶住Con，隻眼好唔舒服，冇心情溫！哈~比藉口自己，返到屋企冇人。就開左電腦聽歌，太正喇種Feel！無耐老豆返黎了，佢問我Con的事，我同佢係咁嘈，又話散光，又話要打電話去問，又話換！好煩呀~咩都唔想理！之後我就睇射雕了，一睇就睇到七點半！然後沖涼食飯睇電視，睇完Yummy Yummy 就冇睇了，去左睇射雕！之後又手癢去玩電腦同埋打日記！仲整下手機鈴聲添！有這個軟件真係正，可以整人聲mmf，不過得10日試用！唉~~美中不足……