今日八點鐘好準時收到個電話。而我當時仍然熟睡中……聽到Eason唱【不甘心 人人不開心  尤其這新婚 失去我身份
不甘心  明明不開心 就是不甘心  不過我肯等 等一生都等】係那時我已經知道是誰打來的。拿起電話，個人仲曚查查
。因為我個時係剛剛開始發第二個夢架~唉！比明賢一個電話破壞左個夢了。佢打黎問我知左成績未？佢竟然可以咁早打個電話黎，真係好出奇！原來佢尋晚唱K唱通頂~唔怪得咁有精神打電話比我喇！我個時都係剛剛先起身，所以都未開電腦睇成績。

之後8:15就落床開電腦了，個時牙都未刷，一落床就開機。去到個網頁，原來要打學生編號架喎！我即刻係咁搵，好彩我冇拋左張準考證。打密碼時有點緊張呢~一入到去……… E  E|F，再睇清楚下，D 成績同上年一模一樣。拉出黎有個E 喎！我自己心諗同上年一樣，同樣都係咁有信心，但都係得個E，真係唔知點~但都有個E，開心o既都！起碼唔駛煩…心有不甘，但總算渡過了，之後就打返比明賢同佢講！(第一個同佢講-_-")Then，用手機Send SMS 比老豆老母同佢地講聲佢地個仔僥倖在會考中合格。

本黎想周圍打電話問人成績的，但係那時八點幾九點。怕D人未醒，費時嘈醒人喇！咁我就去刷牙洗臉，玩電腦喇！個時心真係好難過，點解會係E？ 仲要係咁 -6拎返黎~我覺得好唔抵。雖然我唔會有很好的成績，但自問一年比一年努力，點解會咁？ 我覺得附出與收穫不成比例。>_<心灰意冷…

無耐，Yan 打黎問我成績。佢退左一個Grade~聽到佢把聲我唔知點咁~佢都好似好輕鬆面對咁，仲知道阿婷拎左個D，進左步添！勁~之後就去左睇孫悟空喇！睇完返電腦面前整問題，真係幾無聊！想打比朋友問下成績，但時間又尚早，只好整下問題！之後十一點零Miss Wong打黎問我成績，佢真係有心呢~咁得閒逐個逐個學生咁打去問！然後佢仲比Miss Ho聽添，同佢都係得兩聲度！都唔知佢係唔係真心呢，我總覺得佢係見Miss Wong打時，順便問下學生的英文成績，而我就只考中文，所以佢都係同我得幾句野講！同時間，梓灝打比我，但同緊Miss Wong 傾，無聽到佢的電話！一收線就打返比佢喇，佢都係問下我成績如何。之後到阿仁打黎問我成績呢，我已經知道佢的成績了，因為Miss Wong 講左比我聽了！佢兩科都Pass，仲好高分添！佢如果而家操多點英文，佢就一定升到大學喇！佢太強了，真係唔相信佢之前係一個好壞的學生。

十二點幾我就開始我的電話攻勢了，首先第一個係Jerry，打佢手提無開！打佢屋企改左電話號碼！-_-"之後第二個就係霍霍，打佢手提終止左服務，之後打去佢屋企，佢出左街喎！打左兩個電話，兩個都搵唔到！=_=之後打比阿釗，佢英文拎左個C。嘩~~勁野呀！同佢傾左好耐，又問下其他人，知道明欣、鈴、立的成績。個個都考得好好呢~跟住同阿釗傾下佢的問題，佢都拖左成個月了！佢話放完榜就開始喎，即係時機到了！講左好多方法……-_-"好彩同佢係同台，唔係一定傾爆分鐘。之後就Online睇下有冇人Online，見到Jerry！即刻問佢成績，佢話唔見左Password。=_=仲問返佢拎屋企電話，之後打電話比佢。同佢傾下計，又係問下其他人成績，都係知道那些，牛丸又唔見密碼，知道阿妖U左。但同佢都傾左好耐…可惜佢唔見左Password~佢有排等！^^"

過左陣，黃進打黎！佢打黎同我講佢原來唔知今日係放榜，佢都係剛剛知無耐！真係吹漲…佢第二個就打比我，真有心呢~佢仲要學車時打比我，佢又係絛得睇成績個班黎，佢Password係度，但係無學生編號。=_=無奈~我仲同佢講左我知的人的成績添。佢真係乜都唔知咁~收左線後，就打比鋒！佢係灣仔-_-"，好似阻住佢添！都唔知佢乜事？無咩心情，但係成績保持呀，都算幾好喇！但佢好似身旁有人不敢說話似的，之後都唔阻佢收線了！

要問的人都差不多問晒，那時都成點幾了！用左成個鐘黎問同學仔的成績，HaHaHaHa~~之後見無咩野做，就係電腦開左套戲睇，睇【愛與誠】，開頭都係唔多明，但之後幾好睇。仲邊食蝦條邊睇添！睇睇下，阿Ming 打黎，佢問我成績，佢好似好肯定我合格咁，我都唔駛點答，佢都幫我答埋！-_-"之後都係講左一分鐘多點！之後就繼續睇戲喇。睇完就打比Jerry問下佢拎到成績表未，但係佢仲未拎到！有排等囉。之後明賢就打電話比我喇，佢剛剛起身，問我有冇去收信喎！我都唔駛睇喇，我已知！但佢仲未知，之後叫佢落樓睇睇。佢拎左就打比我話C左！哈哈~真係幾勁。好多人唔係C 就D！強呀~~問左咁多個都係得佳佳同埋妖唔合格，但係佳佳個D 無咩所謂，都係試下自己實力。

之後無咩野做，上下網整下問題咁囉！整整下就到六點幾了！之後Online，又問Jerry，佢又未拎到！之後同老豆拗手瓜，輸賭一百。第一場我羸左，但係老豆話我隻手郁左。然後第二場，佢羸返，我見自己今次手有郁，所以放棄。最後第三回合，我羸左。但係老豆之前已經講明第三場唔計，唉~~浪費時間。一毫了都拎唔到！>_<

之後食飯睇電視，都冇咩特別！跟住Jerry打電話黎話佢好開心，要我估佢成績，估佢C左！但佢係D左，一個B一個F！嘩，勁呀！但係佢睇錯，佢以為B係課文，F係作文！-_-"真係好笑，成個傻仔咁！不過成績伙真係幾好！唉~ 自問自己唔係差，但係成績只係得個E，心傷透了！之後就睇返電視了。

十一點幾落左樓去搵明賢，想問佢借本Chem書聽日溫書，因為聽日去自修室溫呀！無書都唔知點咩好，所以去搵佢！行去個時都無落雨架，但係返屋企時落雨粉，都幾密添！返到屋企成身都唔舒服~~唉！黑仔呢…之後返房玩ICQ同埋打日記！

今日傾左好多電話，用左好多分鐘！都唔知會唔會爆呢？唉~怕怕！要查下先得喇！^^