今日一起身就周圍行，行到廁所諗住刷牙洗臉時流鼻血。成兩三年都未試過，都唔知係唔係唔夠訓加上幾日都打邊爐，燥熱……之後止左一陣血就無事了。跟住就睇返前幾日Yummy Yummy 同埋我的野蠻奶奶。(因為無睇兩日了。)足足睇左四五個鐘。成個早上都好似好充實咁~

今日本黎係停水的，我整野食已經冇水的。好彩有沸水，整麵食。食完無耐，老豆打電話問我食咩，我話是但喇！我都唔肚餓，但係佢就買左盒飯。之後我隔左一個鐘後就又食喇！真係食左好多野。個肚脹晒。之後就睇下Bio Notes~ 但係睇睇下就冇咩心機！最後都係睇左幾頁紙咋。之後係電腦度整日記本。諗住放晒係電腦的日記上網，廢事有一天部電腦壞左就咩都冇晒。Upload 晒上去又覺得個日記太簡單，終於係咁修改個日記，整左好耐了。終於整到咁o既樣。之後都成七點喇！跟住煮飯同埋上下網就睇Yummy Yummy 了，跟住邊食飯邊睇電視。就咁過多幾個鐘了。Then~就打日記了！咁就一日喇！(我覺得自己真係好浪費時間，唉~但無法！溫書喇…溫書……溫書………溫書……………)