八點鐘就要起身了，因為好多日已經無去自修室了。去到個時仲未開門，不過已經好多人係度排緊隊了，好彩黎得早，唔係無個舒服D的座位都冇咩心機溫書。九點鐘正正式式開始溫書，首先溫返之前第一冊的Chem，都有做下例題o既，不過發覺愈溫愈悶，做數又煩喎！真係做到冇晒引，做得好少數，得個睇字！最後都溫書十二點九，但係都溫唔晒本Chem，只係溫左大半，我都唔知自己叫唔叫溫，只不過係睇下，做數又成日都偷睇答案，唉~對Chem 真係沒有興趣。

之後拎埋本Chem 書返屋企食Lunch(慳錢)，返到屋企已經一點了！趕頭趕尾咁煮麵食，又去左開電腦，食完麵又唔多飽，又去叮野食。攪掂晒之後已經一點半了，返左房玩左一陣電腦就趕時間返去了。走個時仲拎埋本射雕走，諗住溫到悶悶地時就拎黎睇。因為已經睇左好耐了，到而家都係睇得廿回左右，只不過係一半。>_<

返到自修室途中落雨紛，個時怕愈落愈大就趕住返去！去左自修室好鬼熱，不過好精神喎！見咁精神就去左做功課，因為成堆功課都未做過，做左一部份的英文，之後仲作埋中文作文。中文功課叫做完成喇！英文得番作文同埋少少Setion C。之後做完晒就睇左陣射雕，而家睇個度都幾好睇，睇到唔想溫書添！之後都係去左溫書，因為冇理由帶左野黎唔溫架麻，D Notes真係輕架咩！反正帶左黎所以就決定溫書，今次係溫Bio，唔知點解真係次次溫Bio都好精神，好想溫，對Bio真係產生了興趣。之前佳佳仲激我同我講等我超越佢，x_x 激氣！我一定要贏佢，唔可以比佢咁得戚。不過今次溫的第十五課，大部份都沒有聽書！好難理解，只不過係寫左少少字，要好認真咁睇，先明得個少少。真係浪費左好多時間，遲D一定要聽書呢，唔係會浪費好多無謂的時間。

溫到六點幾就轉睇射雕了，因為Bio 這課睇極都唔多明，倒不如爭取時間睇多幾頁射雕，早點做完個報告。咁之後就有大把時間溫了。睇到七點鐘度就決定走了！返到屋企就整下Lei 野整下個樣，最後沖埋沖，又睇左陣射雕，先去睇電視食飯！而家先睇到第廿四回！仲有十六回等緊我呢……夜晚玩電腦個時都唔記得打日記！^^"而家先補返上黎！之後十一點鐘度就訓左了，因為太早起身，好累呢…

今日唔計食飯都應該有八個鐘係自修室，應該都有近七個鐘頭黎做功課、溫書…滿充實！