今日起身都冇野做，出左廳度。尋日同老豆嘈左一場，冇同佢講野。而果個人就係度玩電腦，都估到架喇！平時唔到十二點都唔醒，次次叫佢起身都比佢鬧到仆街。而家佢…我諗未到九點已經玩緊電腦喇，比咩電腦佢呀！又開始回復之前的上網生活，如果有日佢唔駛返工，佢一定…一定…我人頭擔保佢一定會上成碼十五個鐘。比返電腦佢即係繼續比佢學壞，而家日日傾電話都句句粗口架喇，遲下咪約D網友出黎周圍攪事。唉~~中五都仲未識諗。會考已經0分架喇，仲唔覺得咩一回事，真係不懂反省。我自己今次會考剛剛拎得個E都覺得好唔掂，我下定決心，一定唔可以再猛猛緊，唔可以比人睇死。而家佢咁樣一定學壞，我都冇野可以做，我唔會理喇！我理，老豆老母又話我，事不關己，少一事還好，唔好攪到我就得！

之後都冇上網，因為佢上緊，我廢事又同佢嘈，到時盞又打架。我個時就係房度溫Chem，太耐冇溫書呢！>_<自己總是這麼不爭氣。溫返之前中六好耐之前的野，做數時都好大意。單位又唔識轉，又睇唔清楚題目。唉~總之好失敗~之後出左廳睇十萬噸情緣，睇完就返房玩電腦，Set個Router，裝好兩部機都上到網，但係ICQ 收唔到野，FTP 唔Work~ 之後阿昌教我的方法都唔得，我都知唔多得架喇，我之前都唔係咁Set o既，但係我又唔記得之前點Set，成年幾前>_<最後都係算！由得佢~~個時已經兩點幾。就去左換衫出屯門做Facial。

由於約左三點，出門口都已經兩點八，所以搭西鐵。本黎想係車上睇射雕，但係冇做到！之後去到間野就開始做了，被D 姐姐仔做，又叫我做埋咩去斑美白咁咁咁…推都推唔切，佢又落足嘴頭。>_< 最後加多$50。就係咁總共無左$150，無錢喇！唉~之後走左去圖書館，途中撞到阿峰，佢一個人補遵理中化。我都想的，但冇錢！到左圖書館搵左個位坐低，睇自己帶黎的射雕。本黎今日應該去補Chem，但係亞珊話唔係今日，到時要上的打比我。之後又收到明賢電話，叫我出旺角陪阿基同佢去Book 房，我銀包已經扁都冇得扁了，遲下仲有咁多活動我都唔知去唔去到，我好窮呀，過多排Aaron 又出演唱會的碟，仲要有CD、VCD、DVD。VCD應該仲會分開兩部曲黎出，真係冇錢買呢~~>_<最後推左佢，繼續睇射雕，睇到六點零就走了。

搭西鐵途中都有睇射雕，之後返屋企之前去左銀座買麵包。買完就返屋企沖涼、食飯、睇電視同玩電腦打日記喇。十點幾，細妹返，第一時間黎我間房同我講，條線攪掂未？即係冇得上網喇。我頂佢個肺呀，一返到黎鞋都未除就顧住上網。我一早已經整左Router，兩邊都上到架喇！佢睇都唔睇，見到我上網就以為我用一條線插黎上網。仲要好晦氣咁講，吊拿星呀~~唔知頭唔知路第一句就話我，仆佢個臭街。嬲到我呀~真係好拿想打佢，無端端黎我房聊事鬥非。之後同佢講完，佢走左又返黎搵個夾髮器，我吊。明明就係佢間房，睇都唔睇就過黎問我，佢真係攪架打。之後同佢講係佢自己間房，睇清楚先好黎問喇！戇居~~~