七點幾已經起身了，都係玩下電腦咁！同阿鵬ICQ下，但係佢要落街食早餐，所以都冇咩玩了。一路等時間過，十點幾阿鵬佢屎忽癢打黎，同佢傾左陣，知道佢已經決定遲到，所以我都陪佢。不過個時大家冇約幾點去，只知會遲到喇！過多陣，明賢打黎問我係邊？我個時仲係屋企換緊衫同埋汁野。佢個時已經係輕鐵站喇喎！少見，佢仲遲過我同阿瞗起身，竟然可以咁早就出左門口！真係玩佢一定唔會遲到。冇幾耐，我已經攪掂晒D野可以出門口了！

落到樓，打比明賢問佢係邊。佢係天慈等緊阿鵬，咁我都搭輕鐵過去天慈等埋一齊喇。去到等左好耐，阿鵬都未到，佢真係有心要遲好多呢，我同明賢等左成兩個字都未見人，就打電話問佢得未。佢話去西鐵站等喎，咁我地兩個就去等喇。等O既時候，我地係西鐵站又用手機炸佳佳個手機。等左一陣，到阿鵬黎左，我地又繼續炸，炸左四五十個Message比佢。

到左元朗廣場，只係見到阿基一個人，其他人未到，個時己見11:20左右了，阿基都係剛剛到！即係個個人都遲到。哈哈~好彩冇準時去。如果唔係白等。個時B樂去左打機-_-"，佢可能早到但見冇人，所以去左打機，之後要我地等返佢。無耐佢都返黎了，我地就只係等肥霍一個，點知佢係M記度嘆緊早餐，我地幾個人仲係時間廊度企，而佢就係度嘆世界！Shit~

等齊人後，由於阿基同埋明賢未食野，就去左餐廳度食野。六個人去坐，兩個人食，仲要係Lunch 時間，好似阻住人地做生意咁。^^"食完後，就成班搭E34 去東涌了。係車度就即係整下個頭，因為太趕時間出黎，冇jer 頭。-_-"jer 完都係麻麻，不過好過未jer 個時。途中我就睇射雕，因為我怕去到冇野做，帶埋射雕去睇。而係車度又冇咩好做，就拎出黎睇喇，打發左不少時間呢，Good~

到左東涌，成班去左百佳買野，我都係第一次去咋，原來東涌都幾多野行同埋都幾大。上一之去Camp，因為遲入去，所以冇時間去商場行，今次去到真係見識不少。由於阿鵬要買魚餌，所以我就陪埋佢一齊去搵街市買喇，而阿基佢地就去百佳買野。因為唔識路，所以阿鵬打電話問佢老表街市係邊，之後都比我地搵到，但係間野已經收左皮。-_-"無奈地買左魷魚黎做餌！之後返去搵返佢地，佢地都仲未買完，仲係度邊買邊玩。之後我地六條友係百佳足足買左一個幾鐘頭野，行到邊玩到邊，真係開心！每人夾二百蚊，合共買左七百幾蚊野，張單勁長呀！^^

之後諗住去搭車入去時，阿基話買個足球玩，佢就去左買波，得我同明賢係度等，個時成地都係百佳袋，好似我地兩個人拎野去救災咁！去到等車，到我地上車時又冇位，只係得企位，我地個個都一袋二袋，所以決定等第二班車，但個度寫下班車要半個鐘後，不過都照等！不過三個字後就有一班特別車黎喇，上到去都係坐前D，因為涪車時冇咁麻煩。

到左目的地了，拎左Key後就入屋了。入到去，比之前個間細好多呢，不過今次又冇上之咁多人，所以冇Book 咁大間是正常的！不過最慘係冇煤氣爐，得一個電爐，仲要好舊個種。冷氣又唔多涼，去到個時真係對比上一次差好遠呢！>_<放低好野之後，係三百呎度的屋度踢波，哈哈！之後無耐就換衫出去沙灘玩喇。我個時只係得一條褲，都冇咩諗過落水，所以照著去，但又冇帶拖鞋，咁岩阿鵬冇諗住去玩，就借左佢對拖鞋出去玩。去玩踢左陣波，不過未踢波時，B樂大腳踢個波出海，而明賢就拿拿聲沖出去汁。點知佢一跳落水個時，隻腳中左蕉。隻腳傷左，仲流血添。未玩就已經傷左了，冇得玩真係慘！之後我、基、B樂、肥霍就繼續踢波。踢左一陣，佢地就落水了，我個時只好坐埋一邊同明賢傾計。不過無耐，見佢地玩得咁開心，我就決定落水玩了。

玩完我地就去沖身，諗住走的時候唔見明賢，原來佢個時諗住傷左都玩，不過我地個時已經諗住走了，佢都係跟埋我地一齊走。返到去個個都想沖涼，但廁所只得一個，只好排隊等沖，我由於想快D 沖完涼洗埋條波褲吹乾，我就第二個去沖了，其間佢地就鋤D 等沖涼。沖完成個舒服晒，繼續鋤D 同埋睇射雕過時間。之後所有人沖晒之後，阿鵬同埋肥霍就去煮飯了！而我地四個剛剛好鋤D！^^"到左八點幾九點就有飯食了，有三個餸，不過我都係食得一碗飯。因為之前去完沙灘玩，個個都好肚餓就整左杯麵食。食完飯，我地四個人就洗野，但係得三樣野洗，得明賢一個唔駛洗！攪掂好晒，繼續睇下電視，鋤D。鋤得太耐見悶，之後B樂就去左租麻雀黎打。我都唔係好記得點打囉，只係羸左兩次，而且仲成日出。>_< 玩到十一點幾，就搵人去去接阿正同埋Penis 黎囉！佢地黎到，即刻有機打。打完機都冇咩野玩，個時已經十二點幾囉！