十點幾先起身，仲要係全屋最早果個！之後同老豆睇返尋日的人間蒸發，個劇情幾緊張，好正！不過可惜唔可以日日追，就算可以都唔會追，太晒時間了！睇完電視我就當然係睇Aaron喇，今日播2005 Concert，睇左一隻碟，老媽子就叫我洗臉，呼Mask。之後比佢煩到我無奈地要做，唉~阻住我睇Aaron。

攪掂晒同老媽子傾左好耐數，終於可以出街了！買左節日通搭西鐵，之後我就去美孚買鞋了，老媽子就落旺角睇電腦，我已經提晒銀行D錢，之後去到樂富Trade 鞋，真係好正呀對MT580 MP。正呀~開心………

之後搭返落旺角搵媽媽，好耐未去旺角，差點迷路，之後都去到登打士街。上左去睇個電腦開倉，我未出都已經知道D野一定比人買晒，老母又話要去，去到都唔係好多人，比想像中少，之後睇左好多野都唔係好平之麻，只係比前面平百幾蚊，好搵笨。最後空手而回落返去，等埋老豆出黎，之後就去左食麵。食完野行下波鞋街，老豆買左對Adidas
，係波鞋街仲特登搵到MT 580 5th MP 比佢地睇，人地特價賣$2499，7th 仲平，只係$1999。好彩我唔鍾意7th，唔係就傻仔了。跟住就行去尖咀，行左個幾鐘呀，真係攞命。我自己平時行都係半個鐘度之麻。

到左尖咀超多人，又一時叫D人行馬路，一時又趕D人上返行人路，D差佬真係玩野。到左半島個邊真係水洩不通，多人到爆呀，馬路都滿晒人。D差佬又整晒欄桿，唔俾人過，攪到成班要行，足足行多左個圈。之後入左SOGO行，一落去已經見到Aaron 個牌了，因為今日15:00，Aaron黎過SOGO 舉行簽唱會，雖然我黎已經完晒場，仲見到咁大個牌係度，真係好開心！之後當然忍唔住影左幾張相喇，行行下又見到CLARINS MEN個專櫃有Aaron個靚仔樣，真係正到飛起。不過間SOGO真係好細，得兩層。好少野睇，悶悶悶……又多人，不過唔夠出面多。行完SOGO返上去，諗住走喇，D差佬又唔俾人行出去喎！係都要人兜大圈，同佢講左好耐都係要我地行，痴線架咩？彩佢都傻，老豆一手拎走個欄桿就行出去，之後成班人見到有位出入，場面混亂。Then，行去海港地個邊，點知封晒路！冇K16，Fuck~行返去金巴利道個邊搭MTR，係成個行程見到有幾間CD舖播Aaron 的Concert，有D無播，真係Fuck，可能係佢賣埋個D，連播都冇得播。已經有人話係旺角信和炒到$499了。哈哈~強

去到搭MTR返美孚轉西鐵返，都唔係好多人咋，因為個個都去晒睇煙花。返到去，老豆老母就去銀座食飯，而我唔肚餓就返左屋企先。返到屋企熱到死，擺好D鞋就去洗衫了，真係辛苦。洗完衫先知有未接電話，之後就換衫落樓了，一傾就傾到十二點幾一點先返屋企，返到屋企咩都未做，又要沖涼，又想食野，又要打日記，又想上網，好多野要做。跟住成四點鐘先訓~