去到天恆等人，齊晒先得五個人，真係吊，咁少人早知唔黎。之後買野用左四十雞，窮=_=買完成班去阿Ming 度，去到睇電視、打機先！只係玩Winning，之後就玩啤牌。開頭都唔係輸好多，之後係咁輸了，真係輸到仆街，如果係玩錢，連底衫都冇埋呀>_<成日都係喝同埋玩！都冇咩好做，愈玩愈眼訓，之後就訓到七點幾了！起班仲有人係度打機，真係服左佢地，機迷~見仲有咁多啤酒就繼續玩，係短短個一個幾鐘，我就輸到要喝五罐，真係殺左我好過喇！最後食得一罐就唔想再喝了。個人已經好熱，好唔舒服，返到Ming 間房睇野同埋玩ICQ……

Then 係咁被黃進串，吊。真係唔喝唔得，唔喝條氣真係唔順，同佢鬥氣，之後喝左一罐就即場劏了，第三次喝晒，人生的第一次劏就咁冇左。真係……瘀到爆。仲要唔係飲得好多劏，只係飲得個少少。真係激氣。走個時已經十一點幾了，佢地就去食野，得我同阿Bee走先！>_< 不服氣

返到屋企冇人係度，個個都訓晒，我就沖涼訓了，七點幾個時已經好想訓，但又玩啤牌冇得走。沖完涼個人係舒服左，但係都好唔掂咁，訓完一教後。起身都係冇人，個時已經15:10了，都冇人起身，而我就訓得個三個鐘。起身時，覺得成個人都乾晒咁，同一條乾屍冇咩分別，食左D麵，訓左係沙發上，無耐又訓左。起身時熱到仆街，真係好熱。自己仲走去曬衫，曬到一半真係唔掂。叫細妹幫手曬，我就換衫去睇醫生，去左頌富睇！等左大半個鐘先到我，真係有病個時我諗都唔掂。醫生話腸胃炎，要戒口。

返到屋企煲粥，之後老媽子幫我攪掂埋佢。起身就有粥食了，佢地個個都好餸食，我就白粥豉油。>_<睇見D餱都想食呀！之後連生果都冇得食，要食藥。食藥真係唔怕，係怕食完個口淡到咩味都分唔到。真係好慘，個口又乾又淡。之後睇埋電視就訓了！21:00返到主人房訓，因為主人房舒服好多，一訓不起了…