朝早起身都係照平時咁整野，之後老豆返黎，我果時係度整緊個頭，之後穿鞋就走了！返到學校就上Bio堂了，Miss 仲問書，只係識得少少，同埋Miss 係咁講英文，個腦Load 唔切個答案。>_< 要溫書喇，唔係就死硬！佢問書時我可以抄返之前的筆記，真係好，係個時先知原來無聽咁多野，真係陰公！小息班賭仔又黎，Bio 堂個時連Miss行開一陣都要玩返局，真係頂佢地唔順。小息玩時未贏過，係咁輸。之後最後一局話比明賢玩，個局真係輸，仲要被炒添！
害左明賢添！^^"

小息完左就吉堂，又去玩。-_- 今次有七條友，我、明賢、Jerry、佳佳、阿良、阿妖、阿立…玩足兩堂，贏的數目真係一隻手數得晒，係咁輸，佳佳都做到冇晒力！哈哈~ 玩到尾時，有一場輸得好唔抵，Jerry 拎錯牌，佢應該拎我個副的，三條友都覺得拎錯牌好正常，攪錯呀！>_< 個場輸得好唔抵，九十下呀！輸唔緊要，根本就唔係我輸，竟然要我做，不甘心！之後都冇玩喇，唉~ 呃人o既！

返到課室UE 對返上次份Section C，錯鬼晒！>_< 之後自己做Matching 算吧，起碼可以睇多幾個Past Paper的字眼，總好過聽Miss 講果D 生字！做到落堂都係查左幾句，未做過！哈哈~真係好多生字唔識呢~沒法！之後就放學了，行左去食飯，唔駛趕住返學真係舒服，睇完仲慢慢睇下電視同埋報紙先走！^^ 之後慢慢行去搭車走，點知走左班K73，見有大排時間咪行左去盲人安老院個邊等車。上到車後係元朗廣場撞到慈恩，係車度同佢傾計，傾李峰同埋肥文。哈~佢原來就係之前Chem 同李峰一組那個，真係慘。

之後返到屋企差唔多15:00，見套校服幾污濁就諗住拎去洗，點知D 衫已經攪好仲曬埋添，只好自己用手洗喇！好辛苦呀，唔係洗衫辛苦，係做完掌上壓仲要洗衫辛苦，洗褲時真係冇咩力添，真係好累，直頭係痺架隻手。之後攪掂就返房開電腦打射雕個閱讀報告了，之前做左好耐，做到而家都未做完，真係Shit！去到夜晚都仲做緊，今日都寫左幾百字o既，但係仲未結尾，因為內容打多左，感覺一定要比內容多好多先得，所以一味係咁諗仲有咩寫，到而家都仲未攪掂架！食飯我食先，因為冇人去食，我食晒飯老豆先黎食，我果時飲埋湯食多幾條菜就走了。成日冇同佢講過一粒字，嘈完交係咁的！之後睇下電視，雖然唔知講到邊，都冇咩做咪睇下囉！睇完就返房ICQ一陣，之後沖完涼返出黎就打日記了！

做左好多掌上壓，唔係累，係發唔到力呀！好唔掂！