今日好早就返到學校，近排日日都咁早就返到。真係好白痴添，不過沒法，唔想遲到！排隊時好辛苦，又熱又曬又長喎，D死人學生會又係咁宣傳，有乜鬼用呀？真係晒我地時間，之後又要多宣報，鬼死咁麻煩！上到課室，都冇咩可以做了，等下位老師上堂咋。今日份頭條內有Aaron 整頁廣告，係CLARINSMEN 黎，好靚仔喔！真係忍唔到貼左係自己張枱度，太正喇！之後Bio 堂，Miss 問書好多都唔識，Load 唔切佢D 英文名>_<。心灰…教書的內容都OK易，好多人問問題，個個都有興趣。^^" 休息時又話玩啤牌，痴線架，仲勤力個溫書。比阿良大左幾大就決定話玩了！X_X今次唔係玩鋤D，係玩鬥大，玩左四五局，只係輸左一局，做四十下。阿良就係咁輸，哈哈。抵死抵死，話我冇貨架喇！完左個休息時，連Miss都知我地玩啤牌，佢係訓導老師黎，唔知佢之後會唔會……hehe！不過玩完都冇咩事，繼續聽書。

小息又玩過，又要做十五下，算少了！黃進要做一百八十，連續兩次被人炒九隻。哈~中化堂借左Notes 比阿婷，冇聽書。借左阿昌同埋阿釗的報告黎睇，首先睇阿昌個份，同尋日差唔多，係加左少少野，冇咩得別。之後睇阿釗個份就精彩囉，佢個份係手寫，一眼就睇到有幾多個字，大約二千幾字。一開始就睇感想，因為作者同埋內容個D 差唔多個個都一樣，唔睇都冇咩所謂。同阿暉一齊睇，頭幾句已經好多錯字，有D我都睇唔到咩字，-_-之後睇晒成個感想都錯左幾多野，有D更加連我同阿暉都唔知佢寫咩，見到錯咁多，就同佢睇埋作者同埋內容。結果…真係好多錯，最好笑佢感覺有D用口語，內容真係簡到冇得簡，一個兩個字的詞語佢都可以減到一個字。仲有就係作者度佢竟然懶到寫「射雕俠侶」，真係比佢笑死！成個中化堂一D都唔悶，睇到阿釗篇野真係好正，之後都冇聽書囉，只係知道有功課要做，冇聽過格式係點，唔識攸。>_<

Chem堂測驗，之前都有溫書架喇，做個時有好多唔記得，真係冇用！最後做唔晒添，第三題諗極都諗唔到，我覺得係佢出錯題目。(自己無料搵野懶^^)完左個測驗就教書，成日比阿暉串。Miss 講D野都唔係好明，有時間的話真係要由頭溫過。都應該係時間溫了，AL就黎喇！搵人迫下我喇……

跟住就放學了，放早成班都話去唱K，我這個窮小子邊有可能支付咁高消費的活動呀，仲要K Lunch 一定冇。之後個個都話阿鋒大把貨，成班人就話如果有貨的話去左銀行放低D貨先好去，因為阿鋒太多貨。哈哈~成班行去Green Box！都幾多人，有九個咁多。阿婷、阿Bee、Winnie、阿鋒、阿昌、阿良、明賢、黃進……去到Green Box，大房一間。幾個唱歌，幾個鋤D…個個人都有野做，之後唱到一半比人話唔俾學生玩啤，冇晒引…不過有阿昌跳舞，搵到成個場的氣氛即刻高漲起來。佢真係好掂，咩動作都做。之後阿Bee、Winnie 早走，跟著就到阿良、阿鋒，之後阿昌都走埋。得返四個人慢慢唱，最後都可以唱到幾首歌。八點準時被人Cut。之後就搭車回家了，連黃進都搭264M，真係難得！

返到屋企食飯，沖涼，連日記都係打得幾個字就眼訓到死了，頂唔順走去訓左！