成晚都冇訓到呀！D粥煲到燶晒！唔好唔開心喇，堅強點！明年今日 別要再失眠………

七點幾先收線，比平日起身仲要遲左，拿拿聲去整野，真係趕到命都冇！之後出門口都係比平時遲左，好彩去到輕鐵站黎的車有位上，如果唔係一定遲到呢！八點過D到左西鐵站，係西鐵站見到黃進，佢跟埋我入埋廁所，-_-。見到佢個頭好型呀，好羨慕！之後一齊返學。返到去等左一陣就排隊，個時已經有點睡意，不過比個大陽咁曬法，係咁流汗，仲邊會訓到，係合埋眼排隊！返到上課室就訓了，訓唔到。

頭三堂係Chem，開頭都係度同阿暉邊傾計邊聽書，冇咩眼訓的感覺。之後愈聽愈眼訓，係第二堂度就已經伏低左，之後小睡片刻，起返身已經唔知講到邊了，個時都差唔多落堂。咁就晒左三堂Chem了！小息諗住訓返陣喇，點知佳佳條蛋散叫我鋤D，真係唔想玩的，又比佢串，嬲嬲地行埋去玩。唉~做左差唔多一百下，做到個人精神晒！

吉堂落左地下，本黎諗住兩堂都係訓架麻，點知頭先做左咁多掌上壓，個種眼訓的感覺仲係度，但又訓唔到！頂~由於Eng 要交文，所以個時就拎出黎做喇！做左一堂半黎做一篇80字的英文作文，真係……(我都唔識講) 剩返半堂當然係訓下喇，都係訓唔到！打左鐘想訓，但又要上返去。真係激氣…返到上去好似又玩鋤D。

UE堂，開頭都冇咩野，有聽下佢講的Section C，但係之後就訓鬼左了。訓得好舒服，我記得好似起過下身比黃進話死屁，唔知係唔係我聽錯定係幻覺呢？我都唔知，繼續訓，訓到13:05先比阿暉拍醒，因Miss 望住我。差個10分鐘點解唔比我訓埋佢？ 今次係我第一次係學校真正訓得著，如果比我訓耐D，我諗一定比人叫都唔會醒。(因為之前自己試過成班放晒學，得返幾個人叫我，我先醒到)

Lunch今日唔駛去食，So 同成班去左永年買晒食，排隊時比阿良話我扮野。-_-...無奈。買麵個老闆又係好笑o既，句句都有野，唔係粗口就係咸濕野。買完麵都差唔多13:45了，拿拿聲返學校食野！(都唔知佢地平時點會可以咁晏都仲要食永年) 食完麵熱到出晒汗，真係好熱。返到課室涼，之後就要過去Bio Lab上堂了，個度好熱。>_<。頭兩堂用黎做Lab Report，D Format 完全唔記得晒，借左上年自己寫的Report 參考。慢工出細貨，做得好少野咋。之後就去左走火警，成班都係玩玩下，但成績好好。^^ 之後就可以早走了！

之後同明賢、佳佳同埋阿良去搭西鐵。阿良係途中又講我D野，-_- 另外兩個傻仔又信佢喎！由幼稚園講到去天水圍都講我D野，係度笑我。係等車時，仲要三個一齊扮我，真係唔知好笑定好嬲，佢地亂黎o既！落車時有班小學的女仔行過，阿良第一時間叫我擺好個姿態。真係頂佢唔順。係輕鐵度，明賢佳佳都仲玩，唉~~

返到屋企即刻除Con，好乾好唔舒服。除左有點唔知點形容的感覺，總之唔舒服喇！之後玩電腦，汁書包。去到四點幾五點就食左D野，之後就滴眼藥水休息下，想訓的，但係怕唔知醒。休息到六點就換衫，之後18:15就出門K73去補習，平時係西鐵的，但係太累，唔想轉車，唔想行咁多，就去左K73，係車度都有訓下，不過都係好眼訓。之後落車行去悶心廣場，知道自己早左好多，不過是但喇，好過又要趕頭趕命，到時遲到仲衰。

補完習三條友仔一齊走，行過條街度，有妓女聊，我覺得係聊阿Ming 的，佢又唔信，硬係話我，又被屈。之後係西鐵度，講左好多關於阿鋒的問題，佢都認晒！哈哈~ 之前都唔知佢係真，係前排有點Feel 度。跟著同Ming 搭輕鐵都有討論，阿鋒仲驚到打電話黎叫我地唔好同人講！怕咩呀？ 都錄左音喇！HeHe~~

返到屋企食飯沖涼，玩多陣電腦同埋講埋個電話就訓了，終於有得訓，等左好耐，真係好舒服。