今日起身遲左，好累！都叫冇遲到返到學，唔駛排隊，返左課室。諗住可以做Chem Report 喇，點知頭三的吉堂有成一堂幾用黎收AL 的報告費，真係晒我D時間。由於係交報告費，又渉及金錢的問題，上次係阿昌唔見錢，入我數。今次係阿釗唔見錢，今次的數目係$500，佢話係我同黃進兩個整唔見的，入我地數，佢真係好笑，講左冇架喇，都唔信。之後仲入埋我數，個個都賴我，哈哈~咩世界？ 咁都得？ 又會關我事！最好笑係阿釗唔見左錢後一D都唔緊張，仲好平靜做功課，真係好淡定咁。之後真係仲有幾個就到佢，佢先問我拎返D錢，我個時都仲未肯拎出黎，佢見阿鋒咁多錢，我地就話係阿鋒拎左D錢，之後阿釗叫阿鋒拎返黎，哈哈！阿鋒當然係話自己架喇，阿釗就話「咁你借比我呀，就到我喇！」阿鋒答左句「都就到我喇喎！」D對答真係好頂引。最後都比返阿釗，真係幾好玩，佢真係幾可愛，但係次次都入我數。>_<

Then 吉堂又去左二樓，今次係去做Report。因為我成份Report真係一粒字都未做，唔知真係死。成班人都係度做Report，做到一半佳佳又聊玩啤牌。Shit，諗住邊玩邊做喇，點知睇左第一場d爛牌，真係見輸得！慈恩係個時又話要玩，我咪比個副牌佢囉，真係輸十三隻，所有人都話要我做，真係呀，之後我都冇玩，比左慈恩玩。佢輸左的話成班人都話要我做，真係攞命。>_<

完左吉堂都未做完，仲有好多添！小息都係度做Report，冇玩啤，真係乖呀我！中化堂佢講D 書信格式，冇聽到。自己做自己野，係度做Report，真係勤力呀我！用足兩堂黎做都係做唔晒，真係慘。最後當然用埋英文堂做喇，唔係點交功課？做左一堂度就做晒了，之後個堂都有聽下佢講咩，做Oral，真係完全唔識做，要點考我都未知，哈哈！仲話自己係中七生，真係不知所為。

Lunch都冇咩特別，又係食飯，同埋行返黎！之後上Chem堂，今日唔駛做Lab，係教書。但之前個堂都冇聽書，真係聽返都唔係好明，同埋之前都冇咩溫過佢教的東西，慢慢生疏了！完埋Chem 堂都仲想佢繼續講，因為真係冇聽過書，好想明晒佢，可惜不能。放左學，本黎諗住同阿昌去自修室，但係阿良又話放學都要玩啤，佢唔服輸左十三隻，要報仇。咁我成日又冇玩過，佢又係咁周圍大人，仲慘係佢要大我，邊有可能比佢大到？邊溫書邊玩都得架姐，之後阿昌就走先一個人去自修室，明賢就驚要返屋企打機走先。最後得我、阿良、佳佳、Jerry、阿鋒、阿暉、阿妖。阿暉都唔係玩，係等補習。我之後補習都要玩喇，唉！ 我地成班決定玩到有三個人做左二百下先走。一開頭我都唔係輸好多，係最少幾個黎，之後就係咁輸落去，又比人炒，話咁快做左百幾下了，做得最少係佳佳，就連阿鋒都多過我，而最多係Jerry，起碼三百，佢一日做左起碼五百。真係勁野！第三個做到二百下係阿妖，之後第三個竟然係我喎，真係Shit~ 清晒D 數先走。

走時打比阿昌問佢咩事，佢話有位，我見有時間咪去囉！去到睇左阿昌同埋阿Ming 的Book Report，阿Ming好多字呀！阿昌個份之前睇過，冇咩特別了！呵呵~~ 之後睇完就溫Chem了，因為聽日要測Chem，好比心機溫。我發覺真係係自修室易溫好多，易入腦，但係又易眼訓，有好有唔好。溫到18:50 就走了，得返阿昌一個係度自己一個繼續溫。我行去補習，去到又要交錢了，又冇$450。>"<傷心…上Chem 時都有D唔係好明，之前聽書唔係聽得好清楚，而家聽佢講，好似第一次睇咁，好難明。補完就走去K73回家。

返到屋企已經九點幾，當然係去食飯同沖涼喇！做完後玩電腦都冇打日記，太累了！十二點幾走左去訓！Zzz..Zz.zZ..Zzz..