本是一天平凡的日子，但……

晚上接到電話要外出，差唔多十點鐘出門。去左銀座搵黃進、阿Bee同埋阿婷…出黎陪佢地。出到黎又話我搵佢地攝時間，無奈…之後去左活力城睇佢地打機！十一點度就走了…

搭輕鐵出元朗搵阿鵬佢地，夜晚搭輕鐵真係慢到嘔。大半個鐘先出到去，好彩我都唔係最遲果個。去左金威玩，有阿鵬、B樂、肥霍、Penis、阿正…係金威仲比我見到對喜力Dunk…個度太黑，睇唔清楚真假，不過應該係真的…竟然咁都比我撞到…哈哈^^

之後成班就去Games 再打，頭文輸晒、馬仔又輸，真係玩咩都輸…-_-跟住就行去安興等佢地。成班坐肥霍車去工業村。到左之後由阿正玩先，佢話自己玩左幾次都死火，但睇佢好似好熟咁…我個D技術咪死得！之後佢都有一次死火。冬…冬…冬…冬……死火先…哈哈！之後到Penis，佢同我一樣都未玩過，不過佢衰過我，佢連極力子、煞車同埋油門都唔識分。但係佢又行到車，-_-" 真係服左佢。我個時仲驚到我個時死火先咪瘀爆…好彩佢都試過死火。咁到我個時都冇咁大壓力，到我行車時真係……車上有五條人命係我手^^都叫行到車，係鬆極力子鬆得唔夠好，架車成日都震…而且覺得個油門好鬆，不過我一定要渣得好純熟。總結，我都死過一次火…哈哈！

到肥霍表現的時候，真係勁到冇野好講！唔用極力了可以轉波，唔好煞車掣可以停車，真係玩到出神入化，有機會都要出多D黎玩！明賢都係出左幾次，已經渣得好好了…>_<攪到我忽然對渣車好有興趣。細細個都係睇車有興趣，而家渣上手，真係另一種感覺。我只要學識鬆極力了同埋油門控制應該唔會再震車了。起碼可以行車已經好好了，遲下個D 泊位、上斜…慢慢黎！行到車已經好正了，真係好好玩…

之後三點幾先走，返到屋企洗個頭就訓了……