返學第一堂就UE Writting Test，之前都冇聽過。我當然係Write 唔到D咩出黎喇，寫埋晒D 白痴野出黎，真係小學生作文一篇咁交出去。之後有空閒的時間就用黎作中文作文，篇中作用左我好多日了，今日一定要KO佢，小息都冇玩啤牌係度做，真係臨急抱佛腳…

之後Chem Quiz，我尋日都有溫書，仲溫得好仔細，咩SN1同SN2個D咁o既野，點知Quiz個時一D都冇出過，只係寫生成物同埋反應物。我仲以為佢會考反應機理，點知咩都冇。我全部都唔識，係咁撞，係咁撞。最後都寫滿晒野。=_= 之後Miss 講書，佢問左我一條問題，我識答少少。之後到佢講書先知，佢已經教到最尾了，我上次無返個日，佢足足教左三十幾頁！死得囉…阿暉仲問我點解無返頭先都識答條問題，我都唔知點答佢好。-_-"話亂撞又好似串佢，話真有識，我又冇溫書。哈哈~之後見Miss 教個D 都唔係好重要，自己即刻係度睇返之前佢教個D 課題，一D都冇聽過就咁睇真係好難明。唉~

小息又係度作文，完左小息終於攪掂。中化個Miss 無返，有兩堂吉堂出左黎。真係幾開心，不過遲下唔知佢要唔要補課咋。>_< 中化堂玩啤牌，我地開左第二攤，有我、明賢、阿良同埋K俐。真係做死阿良……之後另外個邊比人發現玩啤牌，好彩個時第一堂完左，個阿Sir 都要走。之後我地都冇玩啤牌了，我借左阿昌本雜誌睇，仲同阿暉玩埋D 白痴野，鬥電話多分鐘，係度晒D 通話分鐘，我D分鐘真係多到用唔晒，而且個時剛剛係第一日，大把貨。

放學個時，個電話仲通話中……到我返屋企搭lift 先斷線，真係豈有此理。之後返屋企食個麵就開戲睇，一次過睇兩部。擁抱每一刻花火同埋千杯不醉！睇完都已經六七點了…那就過了一天！覺得自己愈黎愈懶咁……