頭三堂已經開始玩啤牌！我今次算係做得最少果個了，百幾二百下度！其他個個都三百，真係玩得好痴線！之後最後一局明賢輸足十三隻，四炒足足要做一百五得幾下。Jerry 係勁o既。上到去見冇功課做又去玩，小息輸左幾局，都係十幾下度。之後中化堂Miss 冇返，但都要交報告，我終於可以交用左兩個幾月做的射雕報告。辛苦左咁耐都總有個了結。吉堂用黎作中文作文，但係完左個中化堂都係寫左兩個字加一個標點符號。之後仲有一堂用黎做D咩計畫，要填野。咁左冇左兩堂中化了，真係晒。

Chem 堂一開始就派卷，都叫ok o既個成績，不過好多錯得好傻，又唔夠時間做，唉。之後就教書了，我聽左都係好似唔係好明咁，真係Shit~ 遲下一定要暇返Miss，因為我實在太多野唔識了！Lunch 之後返到課室，睇佢地鋤D，阿釗偷睇我份Chem 卷，仲話我終於及格，真係多謝佢咁睇重我呢，下次一定要高過這次的分數。之後臨上Bio 時，阿良唔小心整低個風扇，之後佢好似發脾氣咁一腳踢埋去，最終當然係一分為二咁，咁就兩屍一命了，我成個過程係佢前面睇足晒，真係好好笑，好難忍住唔笑，仲同其他人講添！之後去到Bio Lab 仲扮佢個腳，玩到成身熱晒，好耐成可以做Bio Report，臨走時有人"湯"老鼠，睇左陣就走了！

臨走當然扮多次喇，之後阿昌走時仆街，真係好笑，佢仲要話係扮出黎，唔係點會可以走得到。真係頂佢唔順……放學同阿良玩左個捉迷藏遊戲，真係好熱。明賢同阿昌無耐就走了，得返我同阿良，同阿良傾左成個鐘頭度，知道一切。佢份人都幾求其，幾順其自然。之後同佢一齊走，送到佢西鐵站，我就搵阿昌比野佢。

跟住就遊街，去左元朗堂溫下書，溫溫下好眼訓就訓左了。到左18:15見人地想關門就走了。去左大橋個邊買野食，之後買埋水，見時間仲早，坐低等左陣。邊玩手提邊等，等到18:50度就去開心廣場了，仲食左杯雪糕添，真係正！
補K.OTen真係唔多掂，諗諗下真係唔想補。補完佢地話去阿Ming 屋企玩，我都話去。

Then，係西鐵撞到阿鵬同埋阿正，兩個返工人仕真係好成熟。之後佢地仲話遲D 約出黎玩，我都唔知得唔得了！唉~算吧，講左聽完就算。返到屋企食飯、沖涼、睇電視……攪掂晒就出門了！