返學做Lab Report，不過都唔係做左好多…係吉堂至做，完完全全無心機做，真係唔想做。之後拿拿聲係咁抄幾句就算了…題目都冇睇過，這次是我第一次咁樣做Lab Report…之後完左一堂玩啤牌，因為真係超唔想做野，去左玩下…玩左六、七局之後被人發現，那時第一個拍門應該是楊立功，不過我地冇理，收晒D牌就走左，出到門口見到成班人等上堂，個時拿拿聲落地下。係樓梯撞到楊立功，不過佢唔知係我地係入面。佢應該係落左去校務處拎鎖匙…遲多半步都死！

落到地下冇晒Mood~本黎好想玩，但冇得玩，頂。又唔想做Report，只好Pre Lab。真係好唔願做野呀今日，成日都好似冇咩原動力去做野。Shit…之後上中化冇聽書，係度溫Bio。中化今次係教實用文，唔駛點聽，有個Format應該會識寫掛，所以溫Bio…

之後UE 堂對答案，個Miss 問我野。頂…我真係咩都唔識，我又無做過，係都要我答，答乜撚？我由細到大都未讀過英文咁濟，唔係話我唔想答，妳叫我答我撞比妳有咩意思。我做一條要用成十分鐘咁濟，邊有可能係個幾秒之間出個答案比妳呀？我連題目都未識解，妳就連讀晒篇文的中文意思比我，我都要知問題問乜架？仆街…妳估我真係特登玩妳呀？我唔識就唔識，妳點叫我我都係唔識架喇，晒Q氣！正一仆街黎，咁o既Miss 死撚左都唔駛可憐，憎到佢仆街… 英文程度差唔係有罪呀？我想架咩？ 痴根線…

成個Lunch 都係氣…我一定認住這個粉皮！食完Lunch返黎係門口就見到個仆街Miss，招呼 我讀左兩年都未同佢打過，由中六第一眼見佢已經憎… 第一堂開始憎佢係Listen，好記得佢對答案時拎住本答案係咁話成班，咁Easy 都聽唔到，自己就對住本答案係度教，我都識教喇，仆街！唔係話妳無料，係態度真係臭串到冇人有，以為自己英文勁就可以咁，英文勁過佢o既人大有人在…Fuck~~~~~~~~~~~~~~

返到上課室已經聽到阿良把聲，佢地係度鋤D，仲好激！返到黎我個時都唔知咩事，之後先知Jerry 炒三家，個個都係咁攻Jerry黎玩，Jerry 又話玩夠，仲做左好鬼多的搞笑動作，真係吹漲。自己做完，我地扮返話咁樣衰，佢自己又唔知自己真係做到咁樣衰，真係頂佢唔順…笑死成班！

到左Chem Lab，又係同肥民一組，開頭做得好慢，又要再做一次，係咁做錯晒-_-。最後我又衰大力，整爛支玻璃管，做個時又做錯左，睇唔到熔點。最後又做過…之後好明顯睇到個熔點，點知做完問返Miss 話隻化合物唔岩，都唔知之後份Report 點寫，上次又係同肥民一組，個份Report都好求其做，因為Result做左，今次又係咁…唉！都唔知點死…

臨走又被阿良扮我，唉~ 無奈x1000…之後同阿昌落左去自修區溫書，朝早仲係無咩心機做野，估唔到下午會去溫書，可能要等補習喇！之後18:45先同阿昌走，仲要同佢去藥房買手套，我比左錢就走了，因為趕時間，好彩去到補習社都未遲到，仲有少少時間。

補習時好眼訓，真係好累。今日都覺得自己訓唔夠，成日已經俾幾個人話我係唔係唔夠訓，我個樣應該都唔會咁死呀？ 咁易睇得出？ >_<

補完習打比亞扁，佢話少左好多人黎，我都冇咩所謂o既！不過真係好期待那天的來臨，真係好想快D到…等左好耐了，心情很興奮…今日冇咩心機做野都可以係太想快D到那天，可以狂歡一天…個心真係玩到散晒！有冇人Help Me？ 唔可以衰的，除左英文，真係科科都唔想衰比人睇…要發奮！