一返到學校已經被阿良串了，不過個D冇咩心情講野，由得佢扮叻…=_=之後頭三堂Bio 堂好悶熱，有種想死的感覺，之後頂唔順開風扇，都唔知點解個個都話凍，我一點都唔覺，開左風扇，空氣好左好多…聽書都有返D心機，不過最後都冇聽…係度玩個D 數字遊戲，真係晒時間，連玩法都未知就去玩…好傻仔！

吉堂又去一樓，今次邊做Report 邊玩…做左三百幾四百下了！係咁被人炒，連寫字斬唔多有力！跟住UE 都唔係點聽書，一時做下Chem ，一時聽下書。聽到Miss 話我，哈哈…用我黎做比喻真貼切，如果我問Miss野的話，佢一定會好開心…不過可惜我唔識的東西多到近乎無限，問盞晒佢時間…

之後放學去左搵Miss Leung 傾野，實行左個溫書方法，都幾緊迫，不過無法…橫又死掂又死，點都要盡力博，英文十成九點九係唔合格，但其他努力都可以有點成績…所以盡地一鋪！傾完野去維園食野，撞到釗釗，個時先知佢的歌喉…^^

之後返學校做Lab Report，之後就開始玩了！係咁做掌上壓，總結成日我應該都做左八百至九百下了，真係好累，不過要做都仲可以的，死頂囉！走時入左好多貸，而家D 單行/雙面紙有大排，唔駛再慳住用了！返到屋企隻手又唔累喎，只係好口渴…跟著當然係要做Lab Report 喇！不過都係上陣網先，打返D日記麻…有返少少休息時間，之後就搏殺。