今日去左入Camp，本身尋日入架喇，不過要返工，趕唔切！所以朝早約埋阿威入Camp…十點半要到東涌，真係估唔到自己要咁早去到！但係我遲到左少少…Join 埋阿威後就去喇…佢渣左車黎，真係米。之後我地行左好多冤枉路，最後跟巴士入去貝澳，佢仲沖左管制站添！真係大膽…係咁上山落山上山落山，終於到左貝澳了…嘩！住得勁入，好彩有車送埋我去…真係好彩咁早起身。去到見到間屋幾細…真係一年比一年細，不過最緊要玩得開心姐！

佢地有D 朝早先訓，所以我地就係度打機等佢地訓醒先出沙灘玩。同阿正、B樂打Winning…去到三點幾，成班出去沙灘玩！本身我都想玩架，仲查晒防曬添，不過唔係好想落水，所以就返返去食麵，反正肚餓！不過最後都係出返去，仲玩到成個人都濕晒，所以最後都係落水玩架，成班人玩，真係好開心…雖然有點怕水，不過都玩得好激！完全唔知自己唔識游水…不過阿正教左我幾招。玩到六點都唔捨得返去，跟著玩多陣就分批返去沖涼！沖完峴返黎係度打蚊，因為個廁有好多蚊飛入黎，個個係屋度拍蚊，打死左三四十隻…之後就打機等食飯。次次Camp 都有阿鵬煮野食，真係好…佢真係抵得諗，肯煮埋比我地食，真係好多謝佢！彬仔幾分鐘就食完一碗，勁快…食完之後就玩喇！

佢地尋晚已經玩左兩打啤酒，今日阿威入黎又買左兩打，今日有成四五打玩…真係痴線！玩話事啤，勁快就無左一打，阿正被人隊左好多，仲成日玩死自己，真係好笑！玩到兩點幾就出去行下，去左沙灘捉蟹，今日晏就已經好多架喇，不過夜晚先黎捉，我就無咩點捉，同豬傾電話，佢原來黎左我度整Cake，真係驚喜，可惜我唔係度！>_<傾完佢地都已經捉完喇，捉左隻大架添！之後就返返去訓囉…

過河時，因為水漲水位好高，行過去都好難過，但係如果唔過就要等聽日水退先可以返，個個都只好落水行…忽然有一點光飛過，個度街燈都唔多，而我地又無電筒，睇睇下先知道係B 樂個電話飛緊去對面，但係方向歪左，直接落水！-_-" 事後先知佢原本係想飛拖鞋，真係損失慘重。最後部電話開唔返囉…

返到去個個都去訓…阿正暈到要訓、肥霍即刻入去房霸床位、彬仔同我都係訓係度等眼訓…其他就打機，我見自己之前訓左陣，又唔眼訓就去跟機打…去到四點幾就頂唔到要訓囉，成個地下有成八個人訓，得好少位訓，我訓到又唔夠腳長真係Holly Shit…最後訓唔到喇，坐係度訓！慘到痺…