尋晚溫書溫到一半就去左訓，真係好累！本黎話要溫好書先訓，點知真係頂唔住睡魔的引誘。返到十二點幾一點，就陪阿婷傾計！可能訓完，幾精神。點知傾傾下好似嘈交咁…我都唔想。最後氹佢，佢都唔理我，我個時成個醒晒，己經訓唔返！>p< 我氹極佢都唔得…

之後想訓返都訓唔著…好辛苦！去左廳溫書…睇左成粒鐘英文先眼訓。訓地下真係好凍…唔想嘈住佢先訓地下。起身後佢已經無嬲我…真係好喇！不過訓得唔係好夠，所以起身後都係好眼訓。

起身後，食早餐…都算豐富！終於唔駛返工了…之後換衫出去，太耐無Jar 頭已經唔識了，整極都整唔好睇…>_<唉！攪掂晒就出去了，同阿婷去左屯門…落到去即刻去影相！尋日本身要影架喇，不過趕唔切。攪到今日先可以去影…今次比上次影得好好多，起碼可以影十四次，對上一次影得三次，差幾遠呀。影完之後開心到連傘都唔記得拎…接著就行去問下補習D 野，好彩兩間都收自修生…不過無帶齊野黎，所以無即刻登記。Then，上左去勞工處睇下…都係咁上下，無咩兼職。最後問完野就走了…攪咁耐都係得個枯，之後去圖書館借書，好好彩地可以借到一套黎睇。真係好…

行到身水身汗，阿婷又為食話要試KFC 的新野，之後去去嘆Tea…我真係唔知同之前個D 有咩分別，因為我連之前個D 都好少食…所以分唔出！不過真係幾好味…食完去左吉之島行，行左好耐都係無野岩。最後就回家了…真係好鬼熱，好似置身於焗爐一樣！好難忍…香港而家一日比一日熱，叫我點生存？過多幾年的香港夏天都唔知點過。