有時真係好想有人可以安撫下我>.<

今日睇到菲律賓前警員劫持本港人質搞到7死2傷嘅事件...相信每個港人都會感到好痛心...

此時此刻我真係唔知用乜野言語來表達我嘅心情,所以只可以祈禱佢地嘅生活安好~

講翻功課,真係唔知呢間係咩變態學校...;(竟然要加功課寫讀後感2篇

即係我有5篇文章要寫???唔係掛...我係ip嘅文章仲未rewrite住啊...放過我@~@

上海...真係唔想再提..拖累我好多時間~日日都要安排行程,仲要係我記低所有行程...試問我又點承受住呢?

最後提提,我地學校開學要test你暑假有冇溫書...好頂啊~所以我真係有小小憎呢間學校

都係講翻d開心野...9月某人嘅老婆去巴黎啊...27號又出碟wor...祝我嘅最愛一切順利~

<摘星之旅>同<公主嫁到>收視爆爆爆燈~大家多多支持~多謝啦~

其實我係喊住打呢篇野...

最近爸媽成日因為上海嘅野而吵交,甚至今日食飯都冇交談...

我諗...係咪因為我呢?媽咪成日話驚係上海唔識路....話要我自己搞掂...但我點得呢?

講講下,我宜家對上海之旅完全失去左期望...

有日,阿爸問我,你係咪想唔去...我冇答

跟住佢車我去學羽毛球時同我講,菀之嘅活動幾時都可以出,風車草嘅performance幾時都可以睇...即係暗示我最好去上海

所以,我突然覺得佢好似octave入面個miss lam,表面上冇野,但私底下就潑熄我嘅熱誠

而我又口是心非,為左新學期老豆唔好成日話我追星,左唔好等我媽咪唔開心,都係決定左去上海世博...

但我媽咪竟然話要我睇完水滸傳先...我尋晚已經睇到兩點半啦....

點解會咁ga?大家可以安慰下我嗎?

原來乖都有錯...

ps:多謝表嬸幫我book酒店機票同安排行程~麻煩了~

有時好迷茫,點解自己做功課會比其他同學要慢

今日係群見到同學話做完中文...(just 1個)我都覺得好自卑啊!!!

但到左開學我仲諗住去上海定出function,真係覺得自己好唔乖,唔配做SU嘅主席...

我成日都覺得自己係個優柔寡斷嘅人,次次都decide唔到做d咩...次次都會俾媽咪話

而我真係想咁嘅咩?我只不過係唔敢講出自己嘅意見啫...事關我真係唔想爸媽失望啊

今次其實我想留係HK多過去上海,但daddy想我去見識下....我都同意佢咁諗,but畢竟我想出828嘅function

於是我喊左好多次

況且因為世博嘅野搞到我爸媽吵左幾次,我真係唔想!!!

兜兜轉轉都係講翻功課!《水滸傳》剛剛睇到400頁....it means我今日睇左200幾頁書...10個鐘...!!!

為左世博,我要keep it up!!!要努力做完功課!唔好令daddy mommy失望!!!

李暉!!!!!!!!!!!!!!!!!!!

好多朋友同我出去食飯都唔敢問我仲去唔去行街

同學每3個星期一次嘅卡拉OK gathring都從來唔會預我份

係因為佢地知道我父母係少之又少俾我同同學單獨出去嘅....

最放肆嘅一次,都係在屋企附近嘅戲院睇完戲同同學去mall幫班買獎品....

我嘅好友都怕左我嘅爸媽,覺得佢地好對我好嚴....

我好少出funz,好少呃佢地,都唔敢呃佢地....因為肯定會俾佢地識破

有時覺得,點解我嘅爸爸媽媽會同其他人唔同呢??

但諗一諗,如果唔係佢地咁嚴,我就唔會做SU嘅leader,唔會考咁好成績(除左今次嘅final exam XDDD)

今日我又同佢地吵,但其實我真係因為功課而好大壓力,所以先至會發脾氣....我真係唔係有心嘅lor...

講開又講...1314頁嘅水滸傳試問我點睇完啊???

或許只有上帝可以幫到我

最近做野都有d夾硬黎-,-

明明手痛胃痛都仲係要死頂打羽毛球....

又因為驚睇唔完本書今早6點起床睇xddd睇左3個鐘= =

我部腦本身都好慢但我又狂玩rc...尋日hang左好多次嚕..T~T

其實我同媽咪宜家仲吵緊係去世博定點...

所以成日搞到自己好sad><

但有一個時間係好開心——同家姐講咸濕野...^^

唔好怪我..嘻嘻

*V*希望自己心情好翻d啦~快d趕埋d功課~!!!因為就快開學啦!!!!!!!!!!!$_$