| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2010 年 11 月 19 日 星期五  |
my mom  |
分類: 未分類 |
我的媽媽很恐怖......
在她的眼裏,只有學習係最最最最最最最重要。如果我週末要去樂團train,佢都會話'數學補習點算呀?''chem又要調wor..'總之我所有課餘時間都會同補習掛鉤。所有要臨時做嘅野都要就翻我嘅補習社。有次考左級一個麻麻地嘅名次,我喊到傻傻地。班同學話:'如果我好似你咁我都謝天謝地啦~'咁又點同呢?我媽咪嘅目標就係要我考到年級前20名,但佢越逼我,我就越不知所措。而導致有時會放縱自己,夜晚會用wifi上網lor...
有一排我同幾個同學一樣,踩單車翻學。超好玩。但其實我媽咪好唔放心我。佢果段日子就開電單車跟住我翻一半路,到街口同我say goodbye時佢三番四次提醒我要點樣小心注意,其實我都背得出啦。不過一次炒車意外致使佢不再俾我踩單車。佢話以後都冇機會自己踩出街wor....佢成日話想鍛煉我嘅自理能力,如果我要住宿舍或者外出都會好d。但事實上佢冇俾過機會我自立過,我話我可唔可以搭巴士翻學,佢say no。我問我可唔可以同同學自己去睇戲,佢打左n次電話問我係邊。我想去邊,佢一定一定要清清楚楚。好多時候都會俾佢捉出破綻搞到我超級尷尬。
我媽咪同我講過'對住我,你係冇私隱嘅啦。'有時真係好唔開心。因為佢行路冇聲,一下子撞入我間房。如果佢一見到我係用緊手機嘅...sorry,要沒收。佢話我做功課時唔可以關門,因為佢可以透過我房間嘅玻璃櫃門見到我嘅一舉一動必要時候監視我。有次我同一個小學我曾經xx過嘅男仔sms俾佢見到,佢叫我沖涼,then佢睇左我嘅sms...話我做咩做功課時用手機?咁其實我地之間都冇野,搞到我地好似超有野咁。
sorry我好無語。但anyway我媽咪都係為左我好,佢為我嘅成績,安全同精神著想,我係應該體諒佢。
|
| 發表時間：2010-11-19 11:54 PM [ 訪客留言(1) ] [ 編輯日誌 ] [ 分享至FACEBOOK ] |
2010 年 10 月 22 日 星期五  |
好委屈  |
分類: 校園記憶卡 |
今日發生左一件令我好唔開心嘅事
gigi唔知係咪今日要同男仔表白定重修舊好,要我中午廣播時放yoga首《說謊》.我應承左佢,急急忙去搵左部電腦download左落嚟.
點知部機死左機!!真係鬱悶...阿晴部野又冇電。
翻到班房,佢問我有冇呢首歌...我當時唔知道部野壞左,於是就話有。佢好開心~
點知去到廣播室時發現冇左首歌,於是佢超級嬲then發火。衝翻班入面喊,話係我衰晒!!!
無奈我開完廣播翻班房,見到佢趴係檯喊...我企係出面唔敢入去。阿雞行出嚟問我:你係咪整喊gigi?
我咪即刻委屈lor...咪話:我冇呀!我明明save左入去咖,佢hang左我都冇辦法咖...然後成班人望實我.我越講越唔開心,狂喊.連班主任都走埋嚟問我咩事...
同學都好清楚我係一個大喊包,見到我喊,阿杭立即行埋嚟攬住我安慰我。我好感動,點知頂唔順喊得仲犀利,搞到佢件校裙領隔離濕晒...
阿雞係個好有正義感嘅人,佢知道成件事之後話:算啦,可能係gigi小氣啫,你唔好理咁多啦,都唔關你事。我心先安樂d...
之後好多人都support我...雖然黃sir要開學生會meeting,我係主席...佢知道我嘅情況之後都俾我遲小小去...多謝
阿晴得閑,寫左篇道歉信俾佢...希望gigi可以原諒我地。
(假想一下:如果gigi係憑歌寄意嘅,我就死...因為我最後用pakho首《我不要被你記住》來instead左....慘...不過如果可以順便幫到佢逃離呢段愛情,專心學業都唔係唔好嘅~)
so~無法解決嘅野,交俾上帝。 |
| 發表時間：2010-10-23 01:13 AM [ 訪客留言(1) ] [ 編輯日誌 ] [ 分享至FACEBOOK ] |
| 2010 年 10 月 1 日 星期五 |
| 煩惱煩惱煩惱 |
分類: 生活記事簿 |
今個星期三煩惱...
一煩惱:管樂團將我臨時轉做雙簧管手...我又係雙簧管初哥...要新學真係要付出好多...但老豆反口~明明話買支管俾我,最終都係冇買...其實佢朋友已經用零售價一半價錢賣俾我嘅啦!一萬三真係貴d...但係我真係好想學!我有夢想點解你唔會幫我實現呢?
二煩惱:眾望所歸,英文又係第二!只可惜...本來我係第一...我寫漏左a...而且本來差我一分嘅阿童同老師講數又攞翻分!怒死...點解咁慘咖...唔想屈居第二wor
三煩惱:我真係唔鍾意呢間學校...排名入面我嘅學校係好叻好前,但我發覺校風同師生嘅相處溝通方式等等都未如我所願...我想翻ssc!我都唔知點解...住校我根本冇問題...最緊要學費好鬼貴!我爸媽話宜家儲錢供我讀書...先算啦....唉
希望煩惱從十一離我遠去...我要有一個快樂嘅自己!
PS:前日opening day我嘅演講d人話好正!(當然啦,果日楊sir無啦啦用我20分鐘中文堂嗌我去office即場寫左呢份野...搞到我嘅favourite teacher miss choi嘅堂上唔到...抓狂....)Form one嘅師弟師妹知道我係chairman之後嘅表情搞到我好想笑... |
| 發表時間：2010-10-01 10:46 PM [ 訪客留言(1) ] [ 編輯日誌 ] [ 分享至FACEBOOK ] |
| 2010 年 9 月 17 日 星期五 |
一週搞笑兼整蠱實錄  |
分類: 未分類 |
今個星期真係超級開心~開學test我係全級排得超前~英文考第二(其實可以第一)~開心到呢!
有d野仲加令我開心...><就係今個星期我同班同學講笑同埋玩野!
數學堂我地講到數學符號△嘅讀音係粗口嘅普通話轉譯(唔想爆)...搞到我地成個group自己笑左一堂課...
中文堂miss choi話故事主角不畏強暴,我地當然諗到佢俾人強姦啦...!又笑足成堂...
音樂堂我地真係名副其實賤格~!講左一節課色情名詞...包括plane,war...(唔該變成中文)
pe就係我自賤...我地班一個軒迷唔鍾意皇后,所以就話皇上gay...所以我嬲佢...跟住relay race時我係佢旁邊大嗌王菀之!點知佢跑得仲快...好囧
其實今個星期我好衰呀~哈哈
btw剛剛翻學校家長會我見到我地班一個勁man嘅男同學~發覺佢係超級才子~好冧...(我冇鍾意佢)
|
| 發表時間：2010-09-17 11:56 PM [ 訪客留言(2) ] [ 編輯日誌 ] [ 分享至FACEBOOK ] |
老師同學  |
分類: 校園記憶卡 |
新學期有新老師同學生.呢個班嘅同學肯定冇點換...而且老師真係....
講老師先..中文改左miss choi教...上堂真係好細聲,行到班房後面時根本聽唔到佢講野,但係佢把聲又極尖...震左...
數學係Cheung sir...唔知點解我成日想將佢嘅名叫成鄭秀文或者林文龍...次次都窒...hahaha不過佢教得真係好好...好明
英文still miss wong...我最愛
費sir我真係冇野講...sci都唔知係講書定係廢話...而且佢真係以為班長係超人,咩都俾我做...係咪傻咖??
其他基本冇換老師...不過真係冇語...
講翻同學...今個學期我聽書認真左好多...然後落堂就成墟人問我攞書嚟copy notes...我覺得佢地做得好唔啱lor...知識係自己嘅,唔係話你抄人地就可以獲取到相應嘅野...最緊要靠自己聽書,成日靠人地又有咩用呢???況且班咁嘅衰人,明明係自己冇聽,攞我嘅書嚟抄,仲話我嘅note唔周詳...唔該檢討下自己先啦...真係對我唔公平...
另外關於貪靚,爆粗,侮辱等嘅行為我都費事講...
不過真係好開心,joy tang終於係我喺班入面最好嘅朋友...佢成日考form嘅第一,我有咩學術問題佢都會樂意幫我~而佢有時唔舒服我又會帶佢睇醫生...好難得可以有互相扶持嘅朋友,而且我地仲志同道合,有共同嘅話題~乜野都可以滔滔不絕咁講~so i like her~
希望我新嘅學期有新嘅動力~ |
| 發表時間：2010-09-10 09:28 PM [ 訪客留言(0) ] [ 編輯日誌 ] [ 分享至FACEBOOK ] |
|
