人生路途上 或許遇到好多挫折
以人類既各種性格
有人會放棄 有人會努力不懈
當放棄果陣時
問題依然存在 而人類就會本能地將一塊蒙眼布遮住自己對眼
等佢地自己睇唔到問題係邊
其實人類剛剛出世既時侯 蒙眼布就已經存在 已經遮住左對眼
只不過 呢塊蒙眼布係透明 所以人暫時發現唔到呢塊布
但係 人類慢慢長大 亦都開始發現呢塊蒙眼布 仲開始慢慢知道佢既用途
當佢地想用呢塊蒙眼布既時侯
佢地就會染黑呢塊本來透明既布 而佢地就可以遮住佢地隻眼 睇唔到眼前既問題
其實咁樣做 似唔似一隻駝鳥呢 當駝烏遇到敵人時
佢地只會將自己既頭塞入地下 咁樣佢地就見唔到敵人 冇眼屎乾淨盲
但係佢有冇諗過 佢見唔到 唔代表個敵人見唔到 呢種愚昧既行為 太不要得喇
講到咁 以上一切一切既動作 係人類既常語中 被稱為逃避(evade)
咁樣講 只不過係將"逃避"呢個醜陋既行為美化 雖則我知道咁樣都唔係太美
講返放棄與否
放棄既時侯 問題依然係度 人類只係不斷走呀走 冇認認真真咁去解決
一生都冇好日子過
而努力去解決既人 雖則係會受一d苦 但係以佢地既努力 問題最終都會解開
佢地亦都會鬆一口氣
除左得到自由之外 佢地亦都得到一種野
就係"成功感"(gratify)
得到成功感既人 會繼續努力 因為佢地已經响往呢種成功感 亦會因為成功感而上癮 不斷進步
每一次既進步 就會得到成功感 而對成功感既需求亦愈黎愈大
進步亦都會愈黎愈多 而毒癮亦會愈黎愈大 如果進步失敗
佢地就會完全崩潰
因為佢地以前進步得太快太多太大 一直處於高峰 一但失足 佢地就會由高處掉落山下
好似一個人從不染病 一直處於無病菌狀態下 由於未接觸過病菌 身體亦冇抵抗力
一但發生瘟疫 毫無抵抗力既佢 就會容易生病
相反一個人自細就成日病 身體已經有抵抗力 即使有瘟疫 佢都冇咁易有事
代入返失敗成功裡面
一個人遇到失敗(loss)只要佢能夠吸收固中既經驗(experience)呢個人就會識得避免失敗 最終排除萬難 得到成功(success)
成功既獎品有物件 地位 仲有成功感 又或者係同伴 當然 伴侶亦都係同伴既一種
咁究竟失敗係咪好事呢 成功又係咪件壞事呢(太多成功會令人一失足成千古恨)
其實 如果人能夠接受失敗 而唔係"逃避"失敗 失敗亦會係一件好事
而成功 亦會因為失敗而由一件我地以為係一件好事既壞事變為一件真真正正既好事 亦即係最終既成功
總之 逃避問題最終只會得不到成功
而接受問題 雖則接受過程當中也許會經歷失敗
不過既然都開左個頭 不如硬生生咁面對佢 總好過返轉頭 做一隻駝鳥丫 |
