唔..呢幾日都落雨丫..
係街度既貓狗都冇得避雨
雨水好似一粒粒碎石咁從天而降
即使停係街邊既車 都未必抵擋得住
可況係呢d咁弱小既貓貓狗狗呢
雨好鍾意係夜晚果陣突然間出現
每一次都係神不知 鬼不覺咁
冇啦啦"沙"一聲
總係令人無晒防避
每一次既突襲 每一次既無奈
行人唯有拎起袋 衝向有瓦蓋頭既地方 暫時避一避雨
點解d人要咁驚雨呢
又唔係子彈 唉
其實雨要黎既時侯 擋都擋唔到架啦
既然黎得咁突然 開傘都開唔切 都整濕左個頭喇 不如繼續由d雨落落黎
可能雨水可以令自己既頭腦清醒 唔再迷惑係佈滿塵霧既路上
一d以前可能想唔通既問題可以諗得通呢
近排睇左一篇漫畫
叫"未來日記"
講一名自閉男孩係學校冇乜朋友 冇課外活動 一放學既任務就係返屋企
而佢唯一既朋友..就係佢本日記..同埋佢幻想出黎既朋友..
雖然發生係佢身上既事情唔多 唔出街 唔同人傾計 唔會去參加任何活動
但係佢會以旁觀者既身份去用佢本日記描述佢每一日所見到既人 見到既野
而佢幻想出黎既朋友 就係一個可以控制時同間既神
同一個好鍾意食粟米既女仔
一日 神比左佢以前用黎寫日記既電話佢
個神話"呢本日記寫左末來既你..不過唔緊要..呢一切..都係你幻想出黎姐.."
誰知道 呢一切一切 都變成真實 正式進入自閉男孩既世界裡面
其實 幻想出黎既野 係咪可以成真呢
好煩 點解我既學號係2號
當考試測驗果陣2號果個位正正係冷氣機既下面
搞到冷氣機成日"標"D水出黎 搞到張卷濕晒
其實 你唔想既野 係咪真係可以遠遠咁離開你呢
如其不斷埋怨 不如諗辦法解決啦
何必拖拖拉拉 令到個問題愈滾愈大 最後想收拾佢果陣
已經太遲 TOO LATE 到時只會後悔莫及 想返都返唔到轉頭 |
