4月3 總會反曲弓教練班今日開學了

朝早九點半返去上angus堂

今堂佢講摩打同電芯

跟住上eric堂

好彩今堂唔使做堂課

不過就講咗測驗的內容

跟住落堂之後去咗間cafe食lunch

食飽返去搵Dr.lee

兩點半上堂

四點半落堂

同恐龍出咗去葵芳

同佢去買動畫

走的時候撞到我地班人

華哥都係度

佢地兩個無人性的人自己走先

又話同我去食嘢

自己去食完嘢就過去銅鑼灣

六點九就去到奧運大樓

大家估下1010室係幾多樓

如果你係估10樓的話你就同我一樣....都係錯的

原來佢係一樓來

三個鐘頭的堂都幾悶下

佢講返d安全守則啊,弓的類型啊,弓零件的名稱啊,點trun弓啊之類

d人都升到咁上下級數啦

點會唔知這d嘢啊

仲要講四堂喎,個啊sir都話一堂都講得晒

但總會話要我地上四堂

差多十點放學

走的時候打俾啊偉問明日的活動

點知過馬路時俾個藍帽子查身份證

佢話"唔該身份證...下次唔好講電話過馬路啦"

我o晒咀

我又唔係衝紅燈,講電話過馬路都唔得

勁無奈

行返出去銅鑼灣搭116

我又呆咗

條龍長到啊.......

好彩佢d車好密

唔使兩個字就上到第二架車,仲有位坐

十一點唔使就返到屋企

終於放假啦!!!!!!!!!