今日八號

係我要返學校聽學科簡介的講座

要返九點

我七點三起身

七點十等車,但到八點一先上到車

旺角又塞車

搞到我成九點半先返到去

第一日就遲到真唔係幾好

我一入到個演講廳睇到坐滿晒人啦

真係好唔好意思

得返第一行有位所以我坐咗係第一行度

跟住就坐定定聽班老師以接力形式講咗兩個半鐘

到十二點多d先講完

跟住又上咗去個玩具中心個室度睇下

因為仲未裝修完的關係所以好空

無嘢睇,得一個陣列櫃,放咗幾個模型

講返個講座的內容

主要都係講個課程有咩要讀

升學,就業之類的嘢

又派咗時候表

睇到a班的排得ok

但b班的就........唉.......可以話係失敗啊

星期三,四,五都係天地堂

星期三有四個鐘lunch,星期四,五就三個鐘

我都知我無咁好彩啦,如無意外都係b班的多

結果真係

但分班都好兒戲下

係啊sir拿張名單一開為二

一刀切把五十九個人的頭三十個分為a班

我又入咗b班啦

睇到張時間表就...........

仲有啊a班唔計training返得一日八點半

而b班唔計training都仲有三日係返八點半

真係幾唔滿意

仲有,今日証實咗一個一個我唔想接受的事實

豬豬真係讀這個課程,但佢a班我b班

真係雙重打擊啊

早上放咗之後去咗青衣城食嘢

食完又返咗去聽多兩個講座

一個係學生事務處的迎新活動

一個係圖書館的講座

學生事務處個講座好好多

夠生動,唔多眼訓

個圖書館的真係好悶

教你點有圖書館的資源

聽完都四點幾啦

搭41返屋企

返到都五點幾就六點

好眼訓

係車度訓咗一陣,返到屋企都想訓但訓唔著