今天係一個好日子

以前年年這個時候都係開學的大日子

但今天我並不用上學

想起以前開學的情形

著住校服返學校開學禮

仲未收拾好心情返學，對暑假都仲係意猶未盡仲想放長ｄ

但這時無可能的幻想

反觀今日我卻可以睡到日上三竿

揸著車在街度兜

因為我仲未開學，要十二號先正式上課

今日訓到十一點，一起身就搵嘢食

因為我十二點半學車

好趕咁梳洗再食咗少少嘢，咁就出門啦

好彩咁遲都無遲到

上咗車之後又照常開車去天光道

一轉熱門線一轉冷門線

兜咗三次仲有五個字

跟住就返開返架車返九龍塘

係九龍塘兜咗兩轉

今次我真係好很多啦

一路上都揸得幾順

回復到以前的狀態，可能仲好ｄ

一路上師傅又係咁同我傾計

一睇到ｄ著住校服的人就兩個人係度估中幾

真係幾搞嘢

今年這個九月一真係唔同

坐係車度睇人返學放學，睇住ｄ小學生中學生三五成群咁

真係有ｄ懷念咁的日子

學完車我就去咗青衣

拿返張收據

去到又搞咗一大輪先得

為咗這一張收據真係大付出啊

搞完我又去咗深水埗

行下電腦商場睇下嘢，又行下鴨寮街買嘢

行咗陣就走咗啦

六點返到屋企

六點幾文少又過咗來搵我

同佢想一齊報個羽毛球班

所以過來傾下報邊個

傾完佢又一時醒起要剪頭

咁就係我屋企樓下搵咗間好像叫北京的剪頭舖

我又坐係度睇雜誌等佢

ｄ雜誌有時真係幾好笑，我邊睇邊笑佢好快就完啦

送咗佢去搭車之後我就返屋企食飯啦