終於都有得注冊啦

今日我過去青衣注冊

用咗個新方法去青衣ive

先搭2e去到佐敦轉地鐵

搭地鐵去到葵芳再轉88c小巴到美景花園

全程用咗五十幾分鐘

比搭41快咗少少

但就要11蚊貴咗四蚊又唔係快咗好多所以這個方法都係唔多得

今日文少話想去睇下間青衣ive有幾大

同我一齊去睇下

我同佢一齊去到間ive我就先去注冊先

注冊的時候都無咩問題

但佢話我唔係香港永久居民

未俾得張收據我住(真係唔知關咩事,唔係永久居民唔俾人讀書咩)

佢話要我今個星期內要拿張單程証去

証明香港政府俾我可能係香港居住七年

先至俾得張收據我

唉..........又要去多次青衣

好多次啦,凈係搞注冊d嘢都去咗五六次啦

跟住搞完這f嘢之後就帶文少行ive同sbi

行晒間嘢由底行到上天台

行完就去咗青衣城揾波波

同波波去咗美孚

佢要返個羽毛球班

波波話今堂教刹波

我同文少又去睇下偷下師

佢返七點到九點

去到先去咗個運動場

波波換衫同我去卜星期五的羽毛球場

跟住再大家樂食嘢

但都係得我一個人食佢地兩個都唔食

食完就返咗去個場館

等開波,睇人地打波

今次去睇佢地練波其實都無咩嘢睇

睇下佢地d人的姿勢

學到的嘢唔多,想打好d都係要自己練多d啦

但睇住人地打又有d技癢

想落場打,但無拍,個教練應該都唔會俾你打

我同文少又邊睇邊傾計

文少早走,八點幾走咗

我就係場館度拿咗本十月份活動的小冊子

睇下有d咩好參加

十月有羽毛球啊,明日開始報名

我去報來玩下先

等到九點佢地玩完啦

坐多陣就走啦

我搭6c,九點半上車十點二就返到屋企

好果返學的交通情況係咁就好啦.......