7月1號係公眾假其

我有好多朋友都放假

諗住咁難得大家放假要搵d嘢來搞下

本來大家都約好咗去踩單車

我八點幾就起咗身

過咗添佑度等人

但到有人縮沙,話驚落雨,放咗飛機

搞到成班人都無心機,同沙田真係有少少雨落

所以無去到

跟住有人提議去唱k

但又因為唔夠人又無得去

再跟住又有人提出去踩冰

但又有d唔合群的人又去唔成

終於都係邊度都去唔成

我又返咗屋企訓多陣

訓到十二點幾

再起身

大圈子活動攪唔成諗住搞下d小圈子

去完成添佑的心愿

同佢去黃埔睇強戰世界

一點九打給佢叫佢

等到佢兩點三先見到佢係小巴站出現

但套戲係兩點半

咁就搭的士去啦

去到睇到勁多人排隊買飛

仲要兩點半無晒位要到夜晚先有好的位

咁無計啦

走的時候落到去地下就睇到好大雨

大到倒水咁,我地出來的時侯又有d陽光

所以無帶傘

唉............真係出門不幸

等到雨細d啦就係黃埔行咗陣

想撞下mable但又撞植都撞唔到

跟住去咗紅磡廣場幫人買羽毛球

等咗肥凱過來

佢話過返去黃埔運動家買鞋

點知去到佢無買到

返而我就買咗一對

佢無買係因為佢睇到的那一對鞋無晒

我買的原因是我本來都有興趣買返一對平底的鞋用來學車用

係運動家度睇到一對平底波鞋合意

又可以用來打波

咁就用咗三日蚊到買咗啦

買完就三個人返咗土瓜灣

返去之前仲買五大支汽水

今夜bbq飲的

因為大家去唔成踩單車

就唯有係添佑天台bbq頂數啦

我地去街市買咗嘢

八點幾開始

開始大家都好正常

到後面老虎食飽就開始玩嘢啦

咩都放埋一齊,又落咗好多調味料多到佢都唔知落咗咩

跟住我錫紙包來燒

本來無人夠胆食

但啊鋒試咗先

我又拿隻雞翼

原來d嘢又幾好食,係酸咗少少

我地燒到十一點先完

落咗去添佑度坐咗陣先走