今日Mr.Or去咗開會,所以頭2堂變咗自修堂.驚心動魄!!因為連續都係訓導主任黎監堂,悶死人=.=2堂都係睇下書/畫下

公仔/轉下筆/發呆.不外乎都係呢幾樣.之後.都係傻下傻下咁就返學!其間lunch去咗睇表演,有人彈[童話]好聽呀!!一路

聽一路唱,物體同老豆都話唔錯,下... ...有點無奈=.=''之後,就傻多3堂放學!!放學之後就即閃,去搭馬鐵到大圍(總站),

同佢會合,再搭到去九龍塘轉地鐵去鑽石山.去到鑽石山,我地2個就開始有點兒後悔!因為我地冇計劃過,就要係一個咁

大嘅商場搵一個見到未見過嘅人.同大海撈針冇咩分別!!唉~~跟住我就好似一個洩氣氣球唔講嘢,而佢就跟住我.由1樓

浮到去3樓.上到3樓一間模型店,入咗去一陣,就唔見咗佢,跟住就出去搵.過咗一陣間,我就走咗去巴士總站,諗住搭85M

走,點知又見到佢,跟住佢就等我上咗車之後先搭車走.^^yeah!!返歸途中,諗起我今日好似留緊d樣未做咁,去到學校

個巴士站,果障都6:2x呢~諗住唔會見到熟人.點知... ...我又見到李哥哥呢~~wahaha.原來佢今日補課,所以咁晏先

走.佢真慘~~

今日,我隔籬嘅惠文兄,武性大發.上上下L.T.L就無端端砍筆,我睇晒全程.好刺激呀!!斷斷續續睇咗2次.第一次用紙(通

告果種);第二次就用手指公.兩次都成功好勁呀!!跟住kai傑就話要以武功同惠文兄決一死戰.惠文兄當然冇理佢,繼續上

堂.之後,惠文兄繼續表演.好精彩呀!!!以後,上堂都唔驚悶呢!!!惠文兄好yeah!!十卜你呀!!!

今日第一個喜訊就係一件喜事,而呢對新人就係... ...余健文老師同姚瑋老師!!^^佢地嘅婚禮將於2005年12月10日

即係今個星期六!!係馬鞍山聖方濟堂進行婚禮!!太好呢!!快d到果日就好喇!!!希望佢地開開心心,一生一世!!

第二樣就係History嘅dict,我竟然識呀!!因為我都係朝頭早行返學果陣先溫,死未,hehe.好似呀哥唔知姐,如果唔係實

俾佢罵死!!今次應該會幾高分!!今日,上History俾惠文兄同曹操笑死^^笑足1堂2個傻仔!!開開心心又1堂呢~~

第3樣就係IH UT,全份卷50份,我就攞35分!!高過甘仔同呀燕!!唔知邊個最高分呢??IH今日就都幾悶架,Miss Ho淨係

教書=.=悶~~第4樣就係我估都估唔到架!!我 English Compostition 竟然74分呀!!Miss Cheng係唔係眼花呢??其

實我呢篇Compostition作得好短,得4段=.=人地個個都作5/6段.而我就... ...唉~~不過,佢冇罵我!!^^好開心呀!!可

以係Miss Cheng手中攞得74分,好開心呀!!

今日同平時一樣都係5點半走,今日好唔同.搭車果陣,見到順哥同埋F.6/7 d人,個個都好倦咁.但是,有一個人好特別...

...雖然我係識佢,但係佢同平時好唔同.佢今日嘅眼神比起平時差咗,俾人一種憂傷嘅感覺,或者佢太倦lu.希望佢快d好

返!!李哥哥!~!

凍咗好多呢!!大家都要小心身體!!

今日落到去Art Room,miss lee就話要開始匯報.今次同以往一樣,都係抽number.點知... ...第一個就係27號/29號

15號... ...27號??咪係我lor,好驚呀!!第一個就係我!!於是,我就當然照稿講,今次係最成功嘅一次,因為我以往都係即

場爆肚/即日作稿,但今次就係尋晚乖乖地咁寫稿!!太陽一定係西邊升起hehe.起初都有d驚,之後就冇咁驚.講完之後,即

卡閃返晒位,娟娟話我塊面好紅.hehe, 次次匯報都係咁.唉~~IT堂,終於完成咗個網頁喇!!yeah!!仲加咗2個語法

上去,靚咗!!不過,我淨係識滑鼠同頁框語法.唉~~最後係第2堂落堂之前終於完成,仲交晒tim!!^^又了一件大事!!

Maths堂,帶錯咗3B書.好彩,鍾sir冇罵到!!3堂中文堂,悶死人.作文??咩都冇作過.都唔知寫咩好=.=唔理lu,下下星期二

先交,有排.之後,就即卡閃返屋企~訓教.