祝Andy哥哥(老豆)

    Happy Birthday!! 生日快樂!!

                        你個女我寫架.

今日原本嘅2堂maths好開心!!教咗應課稅入息總額(如果我冇記錯個名),鍾sir攞咗佢張稅單做例子,佢講咗佢今年要交

$20,000幾蚊.呀培問點樣計返應課稅入息總額(一個陰謀嘅開心),呀sir就教我地計,但係計計下俾呀sir知道咗我地嘅

陰謀... ...我地諗住計返呀sir嘅年薪係幾多架!!!!跟住講講下,唔知邊個話呀sir教我地Physics呀!!呀sir就問我地邊度

唔識,好多人都話全部都唔識,呀sir好驚訝!!其實Mr.Or成日都叫我地返去自己睇書,但係上堂果陣佢就講另外d嘢.本書

3堂先睇一次,教我地點計數,計數我地識,但係我地係唔明咩係潛熱??咩係熱傳導呀??等等... ...都知Mr.Or想點!!我地

係B班,但係我地個個都唔係好似甘仔咁叻,轉數轉得咁快架!!成日都覺得F.3係有一個自覺性係度,但係F.3每個星期一

都要UT,仲有d默書/小測/評估/專題研習... ...果d唔使做咩,唔使溫咩.如果,Physics係鍾sir教就好喇!!佢解得好詳盡,

好過Mr.Or好多!!不過,就係咁搞到呀sir教咗成堂Physics,冇咗堂maths.hehe^^

之後果3堂就係中文堂,考口試.俾細雞,李雪,阮仔,孫仔,盧鴻洲,趙奶樽同kai鍵笑死!!佢地好有感情!!''儀態萬千''!!haha

笑死!!不過,口試最好應該係黃倩雯,佢有玩過朗誦a ma.

今日考maths~同以往一樣都係做咗Part C.B,最後先做Part A(mc).不過,我... ...冇做mc(40) Q11(10).咁就冇咗

50分... ...之後,做咗果d當中又會有錯,再扣分... ...扣扣下,過唔過到30分都成問題!!唉~~愈黎愈心散;愈黎愈冇心

機讀書~~之後果d科目點讀呀!!之後F.3嘅日子點過呀??今日,有dd人對眼都腫咗,大概係因為成績... ...而我都喊咗2

次,對眼都有少少腫咗.唔打喇!!

今日,我經歷咗2埸威力極度恐怖嘅風暴,僥倖生存至今!!冇損冇爛,未死得!!^^

第一場風暴... ...起源於英文堂.我地學校有一個慣例,就係測完驗之後就收簿睇.Miss Cheng將News Cut d ans炒

晒出黑板,點知咁都有人抄錯... ...激到佢紮紮跳!!一浪接一浪,林亨將本未做完Corr.嘅dict book交出去,俾miss

cheng見到,後果唔使講,大家都心中有數,佢嬲到'訂'簿.落堂之後,佢同我地講:呢場風暴未完結架!!我陣間有2堂空堂,

我會改你地d簿.你地好去求定神,希望你地本簿平安無事喇!!.睇黎聽日要做定7級備預措施先得喇!!

第二場風暴... ...古話有云:暴風雨前夕,係異常的寧靜!!今日上中文就實證了~~今日派返單元一嘅評估.佢同以往一樣

大發雷霆.佢今次實行留前鬥後,到咗最後先一次過爆發出黎,死傷慘重,無一幸免.不過,呢個評估,我又真係抵罵嘅,我都

冇溫過書就去考呢個評估... ...

第三場風暴... ...出自於鍾sir.因為我地全班3B都冇人記得今日lunchtime要補課,點知留係課室補課的得1x個人,我有

份架!!所以鍾sir就發脾氣.(俾佢教咗2年都未見過佢咁嬲)

好慘呀!!我無端端俾人擇咗做班代表去整塊board,仲要係每個月都要換一次!!慘~~跟住專題研習就要再諗過個題目!!

今日凍咗好多呀!大家要着多件'3',唔好病呀!!近日,有好多人都病咗,希望佢地快d好返喇!!小心身體呀!!

今日派返Maths Quiz Unit 1,我竟然合格呀!!!25/30^^開心!!又有得食朱古力!!放學之後,要收返晒所有K paper,先

走得.個個都交齊,淨係楊思晴唔肯交.仲話:唔使你理,我鍾意幾時交就幾時交.聽完之後,我好嬲,你估我好想理你架!!你

咪唔好交lor,罸都係罸你喳ma,哼!!我已經做咗科長要做嘅嘢.你聽日咪同miss lee .miss chou.mr or解釋lor.哼!!跟

住去咗art room執畫,搞晒幅透視圖佢.攞咗d白布紙畫咗2幅素描,一幅係art room;另一幅係1舊薯仔同d蔬果等等.

Miss Lee話我d素描俾起F.2好咗好多!!^^返到屋企先知唔記得帶碳筆,好彩問到人借!!畫咗2幅畫:1幅係憑記憶畫嘅

畫,另一幅係睇相畫嘅.hehe

要開始俾心機溫書喇!!測驗週開始喇!!聽日測Eng I & Eng II