今日溫咗一陣Maths,第9章.吹咗一陣口琴,執下嘢咁,就過咗一日.

呀哥話我個臉紅紅地,熱熱地,暈暈地咁好似想訓咁... ...有d感冒嘅先兆.

唔打喇,訓教喇

今日成日都心不在然,唔知做咩咁,傻下傻下咁又過咗一日.可能係因為尋晚嘅事... ...

6:00幾練咗一陣琴,攞返初初學琴果本琴書出黎彈.本琴書都有少少發蔩,d內頁都冇咗幾頁.睇返第1頁,有個日期

(1996.03.25),聽呀姨講果日好似係我第一日學琴.我學咗琴都有一段時間,都有8年5個月9日喇.由我第一日學琴

至今我同呢座鋼琴已過8個寒暑,就10年喇.由一個咩都唔識嘅4歲細路女,到宜家變成一個對鋼琴略懂一二傻下傻下嘅

F.3生.我學鋼琴嘅原因,我已經唔記得lu.不過,我可以好肯定次次彈琴,我都會諗起我媽,因為佢都係好鍾意鋼琴,所以鋼

琴算是我同佢之間嘅聯繫.好掛住你呀!!媽~希望你係天國,見到我嘅成果,我一定會學到10級鋼琴架!!

祝Andy哥哥嘅婆婆生日快樂!!福如東海;壽比南山!!

首先,係度同大家講句對唔住先,因為8月好多日都冇打日記,唔好意思呀!!

今日係第一日上堂,Day A.頭個2堂係班主任節,今日終於編好坐位lu!我又係坐最後果行^^又可以好似以前咁!yeah!

我前面係夏志明,又可以玩佢喇!!右面係kk,左邊係呀東!!2個都唔識=.=冇得傾計~悶~

Eng~我今年嘅英文老師係... ...Miss Cheng Che Mee,Elly.冇錯呀,就係鄭紫媚老師,訓導主任.(5虎之1,如果係讀

咗3,4年d人都知架喇!!都係d師兄姐講嘅)佢經有3年冇教過英文,估唔到我咁好彩,佢一復出,就教我.俾佢教一年英文,

係就係幾好,相信英文嘅成績都有一定嘅提升.只不過佢太惡喇,對人句句都好似有骨咁.驚~(好多人都係咁講,同埋黃sir

都係咁講).

中文~太好喇!!^^班主任教番,今年都係用廣東話教學,好有親切感!!

IT~嚇一跳,IT老師係Miss Mok同Miss So.莫惠馨老師同蘇柱馨老師.估唔到蘇柱馨老師會教IT,全班都係第一次俾佢

教.不過,成堂佢地都係掛住搞電腦,所以我地成堂都係各自各上網.gd ^^

Maths~鍾sir教好yeah!!到宜家,我都係覺得鍾sir帶眼鏡係好d架!!

開學lu!!今日遇到好多新人新事!!

首先就係知道自己入3B班^^仲有好多同學~娟娟!!楊莉等等.亦都有好多係以前同班果d... ...不過,最開心都係得知

我全家(學校家族)全部都原校升讀F.6,只不過有點美中不足,就係傑傑入唔到原校升讀F.6.我今年嘅2位班主任分別係

教V.Arts嘅李淑美老師同埋教中國語文嘅周潔儀老師.佢地2位之前都教過我,都有一段開心嘅學習經歷!!相信今年亦都

會!!另外仲有4個消息.1,鄧sir(訓導主任)決定今年任何一個學期只要冇欠交功課(1個優點)/冇遲到早退(1個優點),以

一個學期為單位,所以total整個學年會有4個優點.2,今年有6個新老師(全女班),1個新副校長,1個新IT技術人員.3,今

年每逢星期3為閱讀日,星期5為英文早會.除咗祈禱之外,全程英文.4,中三今年UT定為星期一進行,為時1小時.5,F.1-

F.3中文同英文堂,會將一班分為幾個小組(大約3組)去唔同6樓課室上堂,實行'小班教學,拔尖補底'.

我可以肯定我果班一定會好熱鬧!!因為有2個好玩得嘅老師同埋有3個組合誕生.1~甘仔+賴仔+黃乙威+豉油樽.2~呀

燕+小麗+kathy+???.3~呀培+KK+強Ken.佢地都係玩得之人,相信一定會鬧出好多笑話^^

今日諗起鍾sir(我中一班主任)係中一第一日上堂講過'你地同我可以係呢一班(1A)一齊學習,係一種緣份.',佢講得一d

都冇錯!!

同佢由12點幾傾到4點幾.

起初同佢都冇咩話題好傾,不過講下講下講咗好多以前嘅一d趣事,諗返起好多好多嘢,覺得以前自己好傻.

以前同呀哥住油麻地住果陣我同佢都仲係細路仔,咩都唔識,咩都玩一餐,傻下傻下咁.仲記得細個果陣,點樣玩d蛇蟲鼠

蟻,諗返起都估唔到以前自己咁恐怖同大膽.但係相比宜家嘅自己,平時見到d蛇蟲鼠蟻都驚到死咁濟.以前同宜家有好大

嘅改變,可能係隨着自己學嘅知識越來越多,要顧慮嘅事多,每一個決定亦越來越重要.仲傾咗好多好多趣事,新年嘅賀禮

畢氐定理嘅作者,澳門氹仔嘅暑假... ...(下刪xxx字)到咗最後佢仲係度數羊仔,佢數到第7x隻羊仔,就訓着咗lu.

p.s.

隨着自己學嘅知識越來越多,要顧慮嘅事多,每一個決定亦越來越重要.