琴日個8號風真係好虧 好快就落左 早左一個鐘放
算啦 好過無 但點解唔掛多個朝早 比我訓晏D wo

本來plan好左一早起身 化個令妝 去慶祝
但因為真係好眼訓 隻眼好攰 最後放棄左
最後早左出門口去買M記早餐 為既就係小小兵

好可愛呀 點算好

今日返工既娛樂就係努力畫包包 其實真係無乜人覆我= ,=''

放工去左買返粒粉間 35蚊粒都幾平
之後就返屋企放低D野

就去搵呀B
但有人同我講唔同我食飯個一刻我真係好嬲
可能因為我太看重依一日啦 又嘈交啦 但真係唔想應機
自己呢埋係地鐵頂呆 (其實明明有影相放上網)
坐坐下竟然見到有人自己搵到我 喊包mode
我真係覺得你遲早會憎

左我D眼淚
其實我由幾時開始變到咁眼淺架啦

我知我好任性 我亦都知呀B好努力咁諗辦法氹我開心

平平地食左餐雲桂香 蒜泥白肉好好食 第1次食米線叫辣
雖然係小小辣 但對我黎講已經好大突破

有人即興帶我去睇迷你兵團

好多黃色既東東 係未入場之前 2條白痴係門口喪扭蛋

入到去坐錯位真係有D柒 (笑喊...
D-BOX登雖然令到無得攬住睇 但佢突然有一下降左落黎 真係嚇左嚇
唔知睇鬼片 D-BOX會係咩感覺呢
有人睇完好興奮 係咁小小超小小超

♥♥♥♥♥2015年7月11日♥♥♥♥♥
難得星期六呀B放假 其實好想一早衝去搵佢
但因為Danso要影相既關係 最後係唔成事既

今日比平時返工仲要早起身 sosad
妝就已經唔係好想化 但影相唔化妝個樣會好好好好好恐怖

去到觀塘海濱海面勁多死魚 痴線
超恐怖 我諗一定過200條 仲要有陣咸魚味

其實講真 好耐無影過相 仲要成個波波咁


如果我瘦D就好啦 就唔會變左個波波啦
如果我隻腳幼D就好啦 就唔會變左象腿啦

其實完全唔係好知自己擺緊既係咩pose

傻仔天拿 點解你今日唔係著粉紅色裙既

影完相就去左坐40號 勁口渴 但係連汽水機都恰我 得咖啡=______=''
係巴士訓著左 應該差唔多訓左成9個字
一上到去呀B個層 佢就打黎問我到邊 仲諗住偷偷地嚇醒你

係屋企呆 呆到3點幾4點就出門口 轉角見好多人 最後去返食小飛象
有人因為我同佢出街落左妝 鬥氣唔剃so囉[1]
再過左沙田探鍾子 有人又情緒激動左啦
唔食得野 淨係可以吊鹽水 soad
仲要嘔膽汁唔緊要啦 加油啦 你撐過左就得架啦

同呀嵐3人行去左食吉野家 好似第1次同你地係道打邊爐

食完再同呀B媽一齊返荃灣 睇住我隔離又食多餐八方雲集你真係好大食
但你大食好啦 唔好再引誘我 令我變左一個大波波

終於終於終於拎到個殼 係我地第1個既情侶殼
亦都係我地依一後感情既情侶野 呀B恨左好耐好耐既情侶野
以前都只係試過買戒指 但第1次我係海旁唔見左 你就掉左
第2次一齊買lonely Christmas戒指 你又掉左
(其實我真係有好多往事...)

又有人送我返屋企 仲因為見到2個黑人 超緊張
但搞到你咁夜先返到屋企 真係唔好意思啦
**Kamie幫我修完眉成個樣醒神左

♥♥♥♥♥2015年7月12日♥♥♥♥♥
今日學完琴就去坐車 點知去到走左架 sosad
食早餐with呀B媽again 次次食咁多野 真係好肥
勁眼訓 最後係呀B屋企補眠 好想睇套電影 但真係頂唔順[2]

3點幾出去 去荃灣廣場 食左個烏冬就出左去睇小小兵
本來都好努力禁住自己唔好買
但最後因為攬起左一隻呀Bob既公仔 就唔想放手
仲扭計問呀B買唔買得 但因為佢一句「唔好買啦」
我以為佢只係比suggestion我 而唔係真係管制式叫我唔好買
我就好開心拎住左佢去比錢 結果就比人鬧啦

次次你發火 唔開心 我都會好想喊 依樣係我控制唔到既
只可以話 因為我好重視你 我先會咁
其實一道行一道喊 真係好樣衰 但就係控制唔到
之後你仲要鬥氣話我買野你又買野 我先真係嬲到要蚊甩你隻手
但其實我個一刻又好擔心你會因為咁樣 好似以前咁走左去
我好似又一次挑戰左你既底線 對唔住

最後都係要人氹返 周凱盈你大個D啦 有人話好似帶住個小朋友出街咁啦
係荃灣周圍行等肥B 去Welcome陪呀B買野食 50蚊coupon好正正
最好笑既係:
我: 拿 你一係唔要xo 我同你去759買野食
呀B: Deal
點解Deal會係係你個口出架 (大笑...
最後一齊去左759掃貨 有人見到野食就會發癲
唔怪得我快得咁肥啦 因為跟得你多

去左深之都睇戒指 住係深水步但真係第1次黎
有選擇困難症既人真係好煩 又要估呀B咩size
岩架啦岩架啦 最好揀左款斷左碼但帶上手幾令既
仲要咁岩我同呀B既size都咁岩有 直覺覺得係依對架啦 就揀左

其實我唔知CHY係咪係係深之都返工 亦都唔知你今日返工定跳舞
但我行左咁多間都唔見你 結果最後係一個轉彎位
一轉 見到你同呀匡攬埋左一舊 即刻笑左出黎

你地唔洗恩愛到咁呀 陪埋你返工 幸福啦

回家 呀Bob仔真係好得意 又圓又好攬
最開心係周小麟願意比100蚊我當支助我

在家食飯 好既一餐唔好既一餐 唔洗燥既
有蛋糕有菠蘿食 仲有個大食積姑丈幫我清哂D蛋糕
攤係道睇大結局同wtsapp好寫意