返一個朝早又放工 請左半日SL
本來諗住可以2人世界下 但呀B媽子放假
結果變左3人行 無所謂啦
去左食板長 係咪你地感應到我想食三文魚所以決定食板長
三文魚刺身丼丼 好正 但其實隔離個滑蛋牛都好好味

拎住一大袋野周圍行
但有人好破例幫我拎68袋袋 滾動
我發現呀B成日為左我做左好多佢平時堅決唔做既野

係荃豐買左條叉電線 再去拆線
仲有人見到我wtsapp話無得二人世界 之後嬲左
緊張到我標哂冷汗 但禁禁下電話佢就同我講拆完 囧
去熊貓拎啫喱 再食左個台灣麵

今晚食pizzahut 等食期間我就去左洗白白
一生第1次係人地屋企沖涼同過夜


係人地洗緊白白之際 朕坐左係道自拍自high

↑結果比(人)發現左我隻XO公仔 想生擒佢

↑呀B好QQ

♥♥♥♥♥2015年7月1日♥♥♥♥♥

琴日呀B係道睇他來至江湖既時候 我已經默默地訓著左
但1點幾就醒左 仲聽聞自己發左個開口夢 「停電呀?」
學足哂呀媽D衰野 最後訓下醒下訓下醒下
4點幾仲同呀B係道發癲 但又唔可以大聲講野 大聲笑[1]
仲比呀矇既叫聲嚇左嚇 其實真係自己屋企張床舒服D
但係係依道隔離就會多左隻豬仔比我攬下咁

10點幾起身整野落去食早餐

著左人地件衫 成個街坊look咁落街 好耐都無試過咁啦
雞絲米真係好好食 但真係好飽同好肥
仲要次次食完就返返上樓訓
有人一野補眠補到成3點 我睇電影台都睇左成2部戲[2]

出發去長洲 比人認定左我朝早要沖涼出街係怪癖 囧

Starbucks 好好飲 如果平D就好啦 但我覺得杯抹茶浪費左少少

咖哩魷魚好辣 但其實好好味
我好努力咁駑緊食辣野 我唔驚你架 嚇我唔到既


上船喪影相 難得有人正正經經同我影下合照


最後仲4個白痴一人一張自拍 但比人話某人核突 某人陰險 (笑喊...

快船唔洗半粒鍾就到長洲真係唔係講笑
一落船就衝去搵野食 難得入黎 今日決定豪食下
我次次見到D芝士焗乜焗乜都覺得好貴好唔抵食
但第1次同呀B用情侶身份入黎 就放蹤下自己啦
我知佢想食時我又想食 只係慳住慳住

一野咬落隔離個刨冰道 好正

好多顏色 好多味 涼浸浸 仲要太陽落緊山 唔係好曬
食雞脾串 魚蛋 薯串 生果串 仲咬走左人地一啖紅豆餅 梳乎雪批

最後仲去同小嵐嵐買左情侶手繩 有人唔舒服

坐慢船豪華位 有冷氣又唔會太chok 仲要有台坐 好正
自拍左全程船 我隔離就打機打左成個鍾

比人影到我好舒服咁i左係呀B道 張相好好J
一睇就知我個樣係幸福小盈盈黎

係天星碼頭見到矽膠 超級懷疑佢係人造人黎
過尖咀大食代道食野 一人兩份 辣就係辣左D 但唔知點解個一刻好想食

其實真係唔洗擔心我唔夠飽架 雖然我真係有少少唔夠喉
但只不過係因為口痕姐 我反而唔想呀B餓親多D
小肉肉食少D咪當減肥啦 我大把脂粉消耗

多謝呀B送我返屋企 原來你成個星期無送過我 你唔講真係唔知
唔緊要啦 得閒送下就得啦 我都唔想你成日用咁多車錢送我

今日好攰好眼訓 訓落床已經處於唔想郁既狀態...