又係一個一早衝去買M記既日子
一人一套 可以做情侶裝 一個Bob Bob 一個小小超
雖然好有衝動去買哂成set 但係唔知要咁多套黎仲咩

其實我唔知點解好想換小小兵既野 又唔係話鍾意到見到佢既野就想要
但係依一刻就真係好想換 同埋套餐具又真心幾令既

趕住出門口唔記得拎戒指 原來會周身唔自在 好似少左D野咁
做做下野就放工 返屋企轉look 再去搵呀B

平平地食左個唔知咩記既湯飯
就周圍行下 睇下鞋睇下衫咁
但其實我又成日都好驚呀B企係68門口等會厭麻煩

9點半睇ANT-MAN 開頭真係好驚好似睇avenger咁樣get錯哂D劇情
開頭見到D蟻真係覺得有種好恐怖既感覺
好彩個3D唔係真係3D到就哂出畫面
唔係既話應該會嚇死我
成套野好多笑位 好鬼死正
但我承認我對avenger系列既野無乜認識
所以我好耐先認得出個個logo (笑喊...
Thomas火車頭好好笑 蟻狗都好好笑

其實無話出街悶唔悶既 又無話會無話題既
成日都係2個膠下膠下咁 D時間就過
只不過有時想一齊去更多既地方 做更多既野
有時間就已經想痴住呀B 去邊食咩都無咩所謂
我從來都無擔心過我地會無話題
因為我地係咩都講 唔會話就住就住
無論係普通野 變態野 18禁野 膠野 甚至是非 咩都會傾一餐
對住你又唔洗收收埋埋 我已經承認我對住你係無儀態可言
因為我想將我諗到既野講哂你聽唔想掩飾 你懂的