其實成個camp得2日1夜真心覺得唔夠
可能真係太耐無去過短既camp 短時間既旅行啦
話哂上一次去大陸旅行都去3日2夜
所以感覺上有D唔夠喉

第1次畫henna tattoo 雖然唔係professional
但我覺得我都好professional咁幫人畫架啦
如果有時間既話 我真會畫得好令好令
聽聞要成個星期先會甩色 真心想知點解d人仲夠薑畫係塊面道
仲要係一舊屎 0rz 小弟真係欽拜下風

依家係香港搵個水清石幼既地方真係好難
我開頭以為都係D普普通通既渡假村
點知未去到 淨係過條堤壩 已經O哂咀
係靚到O哂咀 真心有D似大鄉里出城咁

(請原諒我用大圖 因為唔用既話真心表達唔到個個地方有幾咁正)
如果少返D牛屎就perfect啦 得閒放假去下呢d地方 都幾寫意

紮營無難度 其實我都只係扮幫手
對上一次紮營都唔記得幾時lu 某年girl guide既某個camp咁啦

點樣睇我地既人數都似係一組人多過兩組人啦 係咪先a_a?
呢排影相學精左 要一野攝去前面 包影到 呵呵

民族主題就黎唔開做下原始土注要畫個靚面架啦
藝術依家野 你地識咩呀 識畫一定係畫Elmo 既可愛又突出
有埋cookie monster 絕對係一對啦
不知幾多人排住隊等我幫佢地畫面 順便借d意避過自己要畫面既命運
事關 我塊面d豆豆真係...見到都眼冤/ ~\

夜晚BBQ有ukulele聽係正既
玩營火有真火係正既
沖涼 入正一格無熱水 又驚行出去會比人見到
係唔知點抉擇既情況下沖左個凍水涼係正既
沖涼聽到隔離男廁講埋D白痴野係「正」既
食個杯面結果唔夠喉 有人即興落廚係正既


睇你外表斯文 原來都係個住家男  絕對係Wild Camp大發現

就係咁 我食左一餐好豐富既宵夜
繼而開始左我呢個通頂既生涯
經過左呢一晚 我知道左好多好多既秘密
同時 我發現一望無際既星星景象真係無得頂
如果電話影得到 就好啦
但另一方面 我發現星星係無可能數得完

捱左個通頂為既只係行上堤壩道睇日出 又晨雨又黑 條路仲要勁多牛屎
好有夜行既感覺 行行下有隻牛係隔離訓緊教 個種感覺好得意
但唔知點解會有一種似曾相識既感覺 我好似曾經係邊道都試過咁近望到隻牛訓教

陰公豬 日出就睇唔到啦 (但聽閒有人留多10分鍾睇到)
相就影左好多張返黎 原來企上堤壩D石道影一張相 已經需要好大既勇氣
但由此可見 我地一個個踩上去 我地個個都係勇氣仔女


我諗成個camp得我地呢班港男港女會咩都影一餐

睇完日出 3個女仔係個營道研究畫眉
之後仲實牙實齒咁拎哂d野去諗住煮早餐比所有人食
結果最後 我地都係交哂d野比男仕們
識煮野食既男仔真吸引

係呢個營入面 係女性當道 坐係道就有得食 (講笑)

4送1湯(清湯湯底)公仔面任食(每人一碗任食) 全部都係我地偉大族群既男仕煮出黎
依家睇返D相都好想食 好肚餓呀

Check Point Game 好鍾意個蒙眼既唔知咩森林
聽住淳B係咁講: 屌屌屌屌屌 老母老母 (←此乃真實對話)
我蒙住眼就算唔知自己行到邊都笑鬼左出黎
雖然之後發生左少少不愉快既笑 我又做左個喊包
嚇親所有人 (btw 我個一刻真係好認真 真係以為你地厭我煩唔要我)
從此 我依家一講到個「煩」 大家都會諗起「Wild Camp」
衰D個句 我又柒左 好想搵窿捐

閃避球好好玩 但我唔明點解自己可以0n居居咁比人射
個波明明射腳中間 照常例係應該打開腳
我就成個傻仔咁合埋腳跳起 算 一定係因為太攰
但K先生 唔好再笑我地玩閃避球啦 因為我真心唔係好識玩
我淨係識避波架咋 (雖然我連波都避唔到XD)

無時間畫龜背 still waiting yours

族長大人 記得收好我封信 我好比心機寫比你 我知你一定好開心既
因為1隻字=已經好開心 過左100隻字=超過100倍既開心

好想再去camp呀去個長洲都好呀 我唔介意架
最緊要成班人一齊玩一齊笑一齊癲一齊傻
但依家最重要既呢 就係整返好我塊面 我真心好心痛