今日真係一個好特別既日子，今日我9點起身就打比兩位好朋友 ，因為琴日就約好左佢地打羽毛球嘛！之後我刷完牙、洗完面、換完衫之後就去新圍站去接嘉敏，因為可以一齊行去依瑩屋企嘛！好可惜，今日朝早落雨，我地就冇得打羽毛球，於是我地就玩大富翁，仲玩得好開心添！到左大約1點，我地就覺得好肚餓，於是就去樓下買麥當勞食，哈哈∼我地三個仲一齊買麥樂雞餐添牙！下午既時候，出面天氣好晒，於是就去市中心行街，我地首先去柏麗，去左20樓既書軒，之後就去返樓下去左上次買夾夾糖度夾糖。行一陣市中心之後，唸住走架啦！點之，行左一陣，就無端端有三個人行過黎，問我地係咪基督徒，之後我話係，仲返左幾年教會。之後佢地每人拉走一個，同我地傾計，之後就介紹嘉敏同依瑩去教會，就話帶佢地去某一間餐廳見牧師喎！我就坐埋一邊同佢三個傾計，仲請我地飲野！就咁樣搞左成個鐘頭啦！