11月2日係第一日既陸運會..我參加咗200m..1500m..跳遠..跳高..班際既4x100

我5點就起咗身..之後就同余佩霞and黃淑玲一起去城門谷運動場..

去到就好無聊咁要分社坐...剩係知道D啦啦隊係咁叫(第二日啦啦隊先比賽..洗嘜咁搏呀..) 

跟住我就上咗信社嗰度坐..等到8點先落去排班隊..

開幕啦..重以為好壯觀tim..點知好簡單就完咗..

開始進行比賽啦..本身坐係我身邊既friends一個一個咁出晒比賽..我謂有睇人地比賽啦..加上當日涼涼地..都幾寫意ga

10點幾啦..終於有我既200m初賽啦..我好興奮咁跑去招集..我跑第一線..好快我就聼到B一聲..

我係咁跑係咁跑..跑到差唔多到終點既時候慢咗小小..好彩得到第一名可以入到決賽..thx  my god

之後食完飯就落去排班隊..依..點解個個人都著長褲既=.="得我著短褲..

過多一陣又有我既第二個項目----跳高

去到覺得好驚..好緊張..之後就跳啦..每次跳完..隻手都會被擦傷..直到跳1米06既時候已經跳唔過..最後只得第三名..

上到去又係好悶咁睇人比賽..不過有一項比賽黎sir都有參加..就係3000m啦..黎sir好勁呀..一開始就帶頭..直到第七..八個圈開始距離其他對手個幾圈..最後得第一名..實至名歸

走lu..我同錢美妍一起走..之後見到黎sir跟住就同佢講(黎sir好勁呀你)..之後佢同我講:(你練習多d都可以好似我咁)...聼完之後..我人生充滿希望..

返屋企啦..唔知點解..好似要行好耐先有車搭咁

11月3日係第二日既陸運會..

5點我又起咗身..發覺對手既關節好痛..

我地就搭的士..諗住唔洗行咁遠..點知搭咗好似無搭咁=.=又係要行咁遠路

去到信社嗰邊..發覺d位唔同咗..之後咪是但坐囉..點知..我唔覺意坐係一對小情侶既符近..=.=做咗無線電膽..咁我咪坐遠D囉..

跳遠招集啦..好多人參加呀..我好好彩入咗決賽..

不過..第一跳我只係跳咗3米06..已經輸比其他對手ga  la..第二次重衰..過咗黑界線..因此就咁輸咗..

跟住就係1500m啦...對手裡面有兩個係田徑隊..開始我就快咗小小..我心裡面不停提自己唔可以望後面..之後順利跑完4個圈攞咗冠軍..之後黎sir同我講:話我破紀錄..好開心呀..

到200m決賽..我唔知點解聼唔到佢講招集...直到黎sir提我..我先走去招集..如果唔係..我就錯失咗哩次既比賽啦..我跑第三線...之後我跑第二名..

過多一陣就係班際4x100啦..好緊張..因為要為班爭光呀ma..第一棒係清榮..第二棒係我..第三棒係陸X東..第四棒係劉健..最後只可以奪得第四名~

不過...信社係甘年仍然係四社之冠..We   are  the  best!

希望下年再奪殊榮..再接再厲