我有好多童年既夢

亦想做好多好多既野

但係生活始終有繁多無形既鎖鏈同限制

令自己最原本既夢想被遺忘係腦海既某一個角落

其實做運動唔係我原本最鍾意做既野

我最鍾意做既野係望住個天

望住天上既雲

望住天上既月亮同星星

因為我嚮往自由既生活

而望住天空就可以為我帶來一點點既自由

我亦曾經想過飛翔

所以我最原本既志願係做飛機師

可惜小四就有近視啦

結果之後既"我的志願"就變左寫警察lu

另外我都幾鍾意學新野

無論係運動方面既武術柔道或者劍擊射箭

定係樂器整野食或者野外生活技巧同急救

我都想學

但係屋企唔富有

時間亦唔准許我學咁多

結果...想多學少

當自己有小小機會做到童年做唔到既野個陣

心境卻變左

變到好攰

變到對新事物麻木左啦

唔再有對其他野好奇同有學新野既渴求

呢d就係生活對自己既鎖

冇辦法用鑰匙打開既鎖...

因為個鎖係由生活既種種磨鍊同時間所製成...

所以希望各位有能力"追夢"既人

唔好因為少少挫折或者失敗就氣餒放棄呀!!

因為你比好多人幸運

可以得到機會去實現夢想!!!

所以要連我地既力都要出埋

去將心中既夢化為現實呀!!!!