今日係陸運會第二日~~

都係一早起身~出元朗度食早餐~~

阿二哥又係遲到-3-~不過我地幫佢嗌左野食

嗌完d野食好似擺係度擺神咁=.=

之後個個都食飽喇~~就行去運動場~~

等阿sir講完一輪之後~~我地就散水~各有各忙喇~

我就去左拎d遮果d~~~之後就坐左係終點線度~~

唔知點解覺得今日特別閒-3-~~無咩做~成班人坐係度吹水~

阿sir就不停係度串阿維維~俾人串到聲都唔聲下..真係陰公~

之後阿sir嗌我幫佢搵人~一陣4x100要6個人幫手~

因為有部份原本既工作人員都要去跑~~之後去幫佢搵-3-

搵左林峯果d~~~10點50分~~正式開始4x100既比賽~

他媽的...個雲好似玩野...坐係把太陽傘下面果陣佢就走出黎遮住個太陽~~

依家企係d咁空曠既地方~~又唔知d雲死晒去邊-3-

直成係度當我鹹魚咁曬=.=~~手同條頸曬到好痛

最慘個個鼻><~~曬到紅晒~成個麥當勞叔叔咁~

搞搞下又到放食飯既時間~~今日我地去左果間千之壽度食~~

都ok架間野~~而且又多位~~唔使好似第一日咁~跑到去元朗廣場食~

趕頭趕命咁~~今日慢慢行~~

食完幫矮仔買完個外賣就拎番去俾佢~~

之後就開始下午既比賽~不過都係得4x100~~

不過有友校接力~~人地學校既真係好勁~~

下午果陣=.=~~我地果邊一共有7個人係度做鹹魚..

一路曬到3點幾~~終於完成晒今日既比賽~上左觀眾席度坐~~

之後佢地啦啦隊比賽~~我都無心機去睇~~望住個天~~

真係得閒無野做都會望下個天~~成個傻仔咁=.=

不過..每次望..都係諗依家仲有時間會出現咁既天空~

藍天...白雲,,仲有幾耐會俾人類搞殘-3-

就係發緊夢既時候~~阿奶媽行過黎同我一齊坐~~

之後細龜sir都行左埋黎坐~~

搞左一大輪~~就完晒成個閉幕~~之後落番去排隊~

阿sir嗌我地一陣話解散唔好走住~~影一影班相^^

之後阿sir句野一講完就聽到miss葉講一模一樣既說話~~

哈哈~~~呢張就係我果班同學同兩位班主任既大合照~~

都可能係我最後一次參與既陸運會既大合照^^