今日2點先起身~~

起身見到小昇昇著好晒鞋~~問佢去邊~~家姐同佢番大陸~

咁屋企就得番我一個~~不過無耐阿君就帶左一班人上黎我度~~呵呵

佢地係出面睇鬼片~我有我玩電腦~~同平時自己一人無咩分別啊~

睇到6點就去左阿君屋企~~都無咩好做~陪佢地睇埋套鬼片~

臨走發覺阿君個妹原來同阿君一樣..都幾傻傻地..

之後就地走人~去搵chacha同佢阿哥一齊去行夜山~~

走果陣同阿君個妹一齊行~傾左幾句~~都係覺得佢同阿君好似~

(對阿君個妹黎講.似阿君梗係一件悲慘既事)

之後去到單車舗度搵埋阿chacha佢地就行上去個山度~

唔知點解..每一次行到上呢個山頂..我硬係會痴痴呆呆咁望住果條大橋~

之後會望住佢住果度~~每一次行上黎我都會諗起佢~

唔知佢依家係咪仲係好勤力咁讀書^^

不過,,夜晚係呢度望過去~真係好靚~~

對面既燈光....邊一點係佢既呢

之後薯仔話想行過去流浮山..其實我唔係好想..

因為黑麻麻..又見唔到路...不過佢咁想就陪佢行喇..

不過愈行愈覺唔對路..因為我之前唔係行呢條路..

我地行果陣經過左好多"人"既屋企~~我都唔敢多講野多望~~

之後我地行錯好多路~~兜下兜下~~終於行到我上次行既路..

因為必須行入個廟度行出個馬路既...

不過今次就黑仔d...行到個廟度..望到對面有3隻狗..

之後隻狗見到我地d電筒光就衝過黎..

我地呢班機動部隊梗係第一時間發揮我地男兒既本色~~

轉身拔足狂奔...

係咁跑..跑番去平時行開個個山頭度...

我又再一次望住對面...

我係度諗...當初點解佢會無喇喇唔理我..拋棄我...

不過..諗多都無用..過去總要俾佢過去~~呵呵

何況都成年前既事黎...

今晚好玩刺激^^

之後就同嘉wing~hoho~薯仔去食飯~~

chacha兩兄弟就番屋企~~食完飯~~

我地由天恆行番去天晴...

一日..就咁完左....