今朝...訓到7點3先起身去刷牙洗面~~

然後換衫出門口去考試~~就好似平時咁出發~

去到西鐵站等埋鍾子就上西鐵向"田瓜丙"進發喇~

又去左間m記度食早餐~排隊果野食果陣見到個細路..

實在太論盡-3-~~連跌兩次杯野飲~~之後佢都唔好意思要過杯...

買完坐低一邊食就一邊等埋阿印度王子黎....坐到9點2先行上去~

去到...咦...門口無晒人既...今日又會咁早放晒d人入去既~~

於事就拿拿淋上去個課室度坐低準備d野~~

考到12點就考完~~之後就同鍾子搭車走人~~p佢個k..今日咁多人既...

等左兩班輕鐵先上到....去到西鐵站果陣~見到小學同學..

係西鐵度同佢地傾左陣計~~不過全部都全天水圍~~所以都係天水圍站落晒車~

不過我就同鍾子諗坐去食M記~~所以就分開左~~之後行行下...突然諗起..話左食少d M記~

所以都係打消左呢個念頭~~行番去搭輕鐵番屋企~~鍾子佢都係預左番屋企食~所以無所謂喇~呵呵

番到屋企~2家姐同昇昇坐左係度~唔知做咩...原來小昇昇佢曳~俾家姐罰企...哈哈

之後嗌家姐煮d野我食~~佢都淨係識整蒸米粉....咁就免為其難食下喇~~

2點零3點~~細家姐番埋黎~~同阿拔一齊番黎~~不過大家姐未到...

屋企就開始熱鬧起黎=.=..應該話係開始煩起黎....好嘈-3-

一路嘈到7點幾~~食飯~~食飽飽就等大家姐打電話黎落去樓下接佢~

正當我想打機果陣..佢就打黎=.=~~~落去巴士站接佢地~~

美林好似訓到豬咁=.=...家姐嗌我抱美林...shit..個肥妹仔重磅左咁多既...

之後左去惠康買左d野就番屋企~~上到去...凱兒.美林仲加埋昇昇...

拆天囉.....嘈到啊....直成想係房度裝隔音....

一路嘈到10點...細家姐話要番去喇...咁佢就同阿拔執野走~

仲俾左d錢我買野~~之後大家姐嗌我去沖涼...咁我就去沖喇~

沖完出黎...佢話幫我清黑頭.做耳燭再做埋個面膜....

我心諗..使唔使咁大陣丈....由11點...一路搞到落1點...

大家姐呢..就完全當左我係無神經線既超人....擠黑頭果陣...

出盡力...我就痛到飛起~佢地3母女就笑到飛起...

痛完一輪...佢就幫我做耳燭..第一次做ja~~之前未試過...

佢吉支野入我耳仔度..之後係個頂度點火..我心已經驚緊..

一陣佢燒埋我d頭髮點算...個耳仔一路聽到d:吱....吱...既聲...

做完右邊做左邊~~最後..家姐同我做埋個面膜~

佢果隻係粉黎搆埋水後變成一pat黃色既野..

之前做綠色都好d~~依家呢pat仲要係黃色...真係好似....

今次係連眼都要合埋...成塊面倒晒...雖然有相..不過我係絕對唔會貼...

太樣衰了......搞掂之後..我就去洗面跟住訓教...

10號既呢朝早..好早就俾果3隻野嘈醒左...唉...

考試就話ja...依家放假係屋企都可以唔夠訓...shit