今日呢篇久違左既日記...

其實係屎忽痕先打~~呢排考試~~都唔算好攰既=.=

因為我溫書真係唔係溫得好癲~~一攰就唔溫~~一眼訓就訓教~~

所以...都唔係溫得好好,,,,

今日為左個chem可以合格...所以我今日就番左學校度溫書~

咁因為遲左起身既關係呢....我就約左果3隻野係天慈等~~

買埋飯就番學校先食喇~~點知...出現左兩個叛徒~~~

阿MING同佩LING~~呢兩個叛徒,,,竟然係食飽先出門口=.=

都係阿關公最好~~同我一樣空肚出門口....之後就咋咋淋買完個飯~

行番去學校喇...上到班房就即刻開餐~~原本諗住都ok多人番~~

點知係得幾個~~之後miss拎左08年份卷黎俾我地做~~等佢上完中6果兩堂先落黎解題~

咁我就係後面坐係度好認真咁~~運用我對化學果dd認識去做~~

結果..係一半唔識~小部份做錯~~~JA係我淨係識做小部份囉...

之後MISS落黎開始解題..解左差唔多成個鍾~~就閃人LU~~

原本諗住番屋企既~~不過俾人捉左去M記溫~~

走之前我仲拎多左份卷走~~去到M記得再做多次~

好認真咁做~~不過最後都係幾個人係度吹水-3-

呵呵....不過都做左大半架喇~~之後肚餓食左個M記~

無耐就散水閃人~~不過就又俾果3個人捉左去陪關公搭車~

之後又行番去搭輕鐵番天晴~~番到屋企...突然發覺屋企好靜~

同埋好似少左D野~~不過又唔知係咩~~

之後阿爸同我講:岩先你禁鐘..有個傻既衝入房諗住開門~

好明顯...果個傻既JA係我阿媽=.=~~原來阿媽係梳發度訓著左~

一聽到我按門鐘~~佢以為自己係房就衝入房....哈哈

之後我終於知道少左D咩~~小昇昇唔見左~~

原來佢番左大陸~~~唉~~~平時見到佢吵黎吵去想殺左佢~~

依家佢走左..反而有幾分掛住佢~~~