今日係一個令我感覺到自己番到以前既感覺~

今日一整天俾我感覺認真係似曾相識既感覺~~

一早~已經有人打電話黎嘈醒我~之後就起身~開電腦睇埋集BBC紀錄片~~

之後諗住去刷牙喇~~刷到一半~成口泡好似發緊羊吊既人果陣~有人按門鍾~~

咁我拿拿淋衝去開門....原來係死聖雄=.=~~~黎得咁唔合時~之後朱良同薯仔都番到~

4個人係我房度打機~雖然唔耐~不過期間笑聲不斷....

1點幾落左去維園食野~~我嗌左個吉豬拉麵~好耐無食過呢個餐~

記得以前成班人去我度打機~打到肚餓就黎維園食~我同林峰一定會食呢個~~呵呵~

食飽左就準備出去幫部PSP做一d升級行動~~首先搭巴士去到天水圍西鐵站~

搵埋阿燦就搭去車昌~~係錦上路度搵埋梁煒同林峰就殺向車昌~~

今次係第二次黎到呢度改機~~同之前一樣係一班人黎~

唯一唔同係....果個人既鬆形做咩變到咁既樣=.=~~

改完機~~俾埋錢就閃人番元朗~~首先去左千色間機舗度換左張保護貼~

之後就去左麥當當度打機~~好耐~~真係好耐未試過可以一大班人聚埋一齊打機~

以前總係一大班人逼係我房度打機~~雖然人多係我房會逼~但係我覺得好開心~

自上左中四~果種時光唔會再出現..因為每一個同學都為學業努力緊~

唔係個個人都好似我咁~~成日淨係識得玩~~上進心可能係我個身度係搵唔到~

不過....做人只要快樂就好~唔想諗咁多~煩咁多~~~煩麻殺到埋黎~~自然會有辦法解決到~

即來之則安之~~係我呢種懶人既金句~~呵呵