今日又去咗長洲,lunch叫咗碗魚湯米線,d魚湯好好味呀,不過掛住食唔記得影相呀跟住買咗枝冰凍嘅水果棒,d生果好冰呀,之後去咗食甜品,有楊枝金露湯圓(左),芒果雪蛤膏涼粉(右)同海藻香芒卷(前)!最後1站就係去買糕,因為好食又大件,所以專登再入去買過,今次買咗綠茶紅豆糕&紫米糕,我仲好醒目咁帶個大嘅食物盒去買,點知佢真係切大舊d比我,yeah...上船之前仲買咗條蔗汁,雖然係冇糖,但係都好好味!

dinner去咗"西門町"食,d嘢係幾好食嘅,但係我覺得佢d套餐好似唔係咁抵wo,下次試吓散叫先

夜晚去旺角間美心MX食晚飯,我隻手拎住2張飛比個staff(唔知佢係唔係經理),佢淨係攞咗1張,咁跟住我咪比埋另外嗰張佢,點知佢好串咁講"唔該下次比晒2張我",我咪話"我攞住2張ga,你睇唔到之ma",激死我喇,好嬲呀我發誓1定冇下次,因為我唔會再去幫襯law...

今日比人攪到變咗濕水豬,我諗住入地鐵站,點知咁啱落大雨,D人就一齊咁走入地鐵站,逼都唔緊要,我諗住早D收遮,費時阻住人ma,到我入到去,後面條友仔1收遮D水就好似幫我洗頭咁倒落嚟,我成半個頭都比佢整濕晒,D人又冇say sorry wo,好似奉旨咁

yeah...今日可以瞓多一陣先起身,hehe...9點幾就起身lu,而家唔會好似以前咁成11,12點先起身,不過我都係懶瞓豬wohaha...

今日等車等咗超過1 hour,其實本來可以搭第2架嘅,不過我唔想搭貴車,所以咪冇搭law,但係等到1點幾都未上到車,真係好激氣呀又因為唔想再wait,最後都係choose搭貴車...lee個故事教訓我下次落咗8號風球之後番工要choose搭貴車,咁就唔駛等咁耐,仲可以唔駛咁早出門口tim...

今日又係勁熱,但最慘嘅係office個冷氣壞咗,攪到d冷氣時有時冇,好彩今日著咗件吊帶,除咗件外套就冇咁熱!雖然個人都仲係熱,但係我就繼續比心機做嘢,你睇吓我幾乖...